Read Konyak Naga JOB 37 Bible Online

JOB 37 - Konyak Naga bible

JOB 37

¹“Tüopawe-o ü-mongjang ninne tamnang, hüyange I nyoi mepu mokh tamnang.

²Jaitüoh, jaitüoh I ngaowüng wenkapu, hüyange I ju mepu ngaipu ngaowüng üyong.

³Kahtok üküm jaye mepu jaye üshuk ngoiye, Iye wang kaiye wanglüppu shontam nang.

⁴Tüophei me I waopu ngaowüng jainang, wangkhong wangkhahpu wüng üyong ngaitam nang, hüyange tükke ye-angpe üshei yeme wanglüppe wangyu tamnang.

⁵Kahwang ngaokhüm kaiye ine ye-okpu teman-e yeshing okpu yashan yalipu ülam üngang ngainang.

⁶Iye yi te kahtokte yeilak jingne ngaokhüm phanang, hüyange akshengyeng phei wai üyong shonnang.

⁷Iye kahta lili yak popu laktamnang, Iye imante Iye toi lingnang she hüonang.

⁸Phao yinmoklan iman pümjing longsa te ye nang, tüome iman lonang.

⁹Heye mepu yüpnyeih peinang, hüyange konge shümpu wangshüm apyekao mepu peinang.

¹⁰Kahwang ülüowe yilong lingnang, hüyange yengching kahjee maawe tamnang.

¹¹Iye jeilehpu wangphom-a phom-ih-e team tam nang; hüyange tüopa wangphom kaiye Iye wanglüppe tamnang.

¹²Hüke Iye mongpu me polak ne ngaipu jingne, ükenphe kahtoknyu khongkümpu me Iye hangke ngaowe tam hüke iman-e lingnang.

¹³Iye kahtoknyute yeng ngaitamlak jingne wai shonnang; kahtalante shaoshi yateng pha ne yejema-a Iye imante kenpu hüone Iye shon nang.

¹⁴“Job, ütenjapu jingne laktehu, hüyange jaikei; Kahwange lingpu yashan yalipu toishao teihtüohu.

¹⁵Kahwange hanghe ngao pha hüyange wangphom mepu wang lüppe yune tam nange shingya?

¹⁶Hanghe wang me wangphom nyeih nang, Kahwang yashan yali wong nange shingya?

¹⁷Yeje, aope heye wangyange kahtok wanne tamlakei sheampuwe nang hei shaoshilak.

¹⁸Shityangpu yankih-e phihlange wanne, wangdang lanlak jingne nange Ite jampu oklak a?

¹⁹Ite hanghe ilak temante nyüokei; teman kenmonga ükeng, teman-e ilak hango yenang.

²⁰I phei ngaolak jingne taowe mintong; hangne tao mahtamlak jingne taowe Ite hipak phalak shi?

²¹“Sha-a wang mepu wangngai-a phihlang nang, tüopate teman-e leilak jingne jamloi tee-nang; hüyange wanga wangyange jaosheye moitam teki.

²²Apye me helangpu ngenang, hüyange Kahwang müktishiwa-e teman manyange mokhtam nang.

²³Ütahpa wonga jamloi yong tüokaiye I shongte teman owe wenne ye-ok; Iye kahtalan phei ngaopuwa khakshuwe hüyange I-a khakshupupa.

²⁴Kahta lili I sheshao me mokh-e yonglak tokte kaiye yashanlak yenang. Hüyange aoyinne deinangpu ne she teih yong, tüolante Iye hangko yeteih.”