Read Konyak Naga JOB 4 Bible Online

JOB 4 - Konyak Naga bible

JOB 4

¹Hüwante Temanpa Eliphazwe jan-e i.

²“Nang phei ngaoning she ima-a nang mong menglak jeyapu? Hüpoi ngao yengaipe ao ngoh oklak?

³Leihuyah, nange kahtalan maapute nyüo hüyange wong yenangpalan te wongnange tamyangki.

⁴Ütamja toitawe wong yenangpe hüyange towe nyaiye ngoh, nang ngaowe I wongnange tamyangki.

⁵Hüpoi shaapa-a shaoshilak nangte peipu yang, hüyange nangte hatüo hüopuwa loishe shangpu yang.

⁶Nange Kahwangte yoppe khüm, hüyange nang üyin-a üko yenang she, nangme monghümpu ngohlak a?”

⁷“Sha-a lintepu teihleihu. Üjao kahta ja mahshange pongpu ngoh ya? Yejema-a tingkhakpulan lang winpu ngoh ya?

⁸Taowe ngepeipuwa, aoyinne ünu kah-hamnang hüyange ümengpa üli deinang, iman-e tüopa wetnang.

⁹I Kahwang lüohepuwe iman mahtamnang, hüyange I mongshih ngaipuwe iman-a hah-shunang.

¹⁰Yengkong mailang shihkhah-e wao ne ok, tüoyangpoi yengkong mailang üyonglan fa khainang.

¹¹Toiyange hahlak yenangtei-e yengkong mailang linang, hüyange yengkong mailang ühalan-a yan mahnang.

¹²“Sha-a ü-tangte ngaolan ja jünge pei, ü-na-e Taowe üjing jingha tüopa jai.

¹³Wangnyak me shipu mükngoih ne yetampu ütingpa mangkih-e; aope kahtalan tangme shihupu pei,

¹⁴nyampu pei hüyange nin; ü-püm noshepu nyampuwe ninne po.

¹⁵Wangngai jawe ü-sheta te yeih, hüyange nyampuwe ü-shangmin yongmah.

¹⁶Tüome ülamja yongyange taowe nge; tao ngang, hüpoi hatüo hanghe ne meng taowe ye-i-ok. Hüwante wüngmak-e ngohpu mepu ngaowüng ja taowe jai;

¹⁷‘Hangko kahta jawe Kahwang sheshao me khakshuwe ngohpu oklak a? Yejema-a yoi Linge ngaipupa sheshao me jaowe ngoh oklak a?

¹⁸Kahwange yoi shaoshanpalante nehoi üting yelak ok; Iye yoi wangdang shongmokpalan me nehoi ümeng pho.

¹⁹Hüma-a kümpnok yinme ngohpu, aoyin nokjing kahmak tangme ngoh, hanghepa mütte hah-meng nang, iman hangke yihnoonlak?

²⁰Shom hei ünpong pa me iman-a mahnetam; Iman teihtüone yetampe jintepu jingne mah.

²¹Iman nyenok-shinpuwu-a iman mepu bheiyah, hüyange iman konjong yenangpe li.