Read Konyak Naga JOB 8 Bible Online

JOB 8 - Konyak Naga bible

JOB 8

¹Hüwante Shuhitpa Bildad-e jan-e i:

²Hangshin me nange tüolan-a ngaolak? Hüyange nang ngao wangyang ümeng kih-e hangshin ngohlak?

³Kahwange ütingpalan leihkheih tamnang a? Hanghe üting hatüo ütahpawe leihkheih tam nang a?

⁴Aope nang halan-e I phei tüi-e ünu om, Iye iman-e tüolak shuwe shaoshi phatam.

⁵Hüpoi nange Kahwang yam ma-a, hüyange Ütahpate monghah ne tam-e tongma-a,

⁶nang jaoshe-e hüyange innyai-e ngohma-a, sha-a nehoi nang jingne I yayonge peilak, hüyange khakshupu nang nyoi me nanga linge yelak.

⁷Nang ükong wangpu shoi-e wangyapoi, phei mepu nang hipak-a yeonge yonge ngohlak.

⁸“Lintepu jinte tongtüoh, hüyange iman payimlan-e hanghe shing ok yam-e tüo tüoh,

⁹hangjingne teman-a menyih hei puh, hüyange hango shing yenang, hüyange kahtoknyu me teman jin-a yashüm ja hei.

¹⁰Iman-e nangte nyüowe hüyange ngaowe yetamlak a? Hüyange iman-e üpong tüowe okpu mepu ngaotamlak?”

¹¹Yeng yenangpu kahjee me ngeihyan jongpu oklak a? Ümeken me yeng yenang, tüoken me beewem jonglak a?

¹²Iman üpeng ngai-e üne-o yakte man ongwante, ülao phümha weangyong shao me iman kuimah nang.

¹³Kahwang pemeipu kahtalan-a tüolan beewem lenang; ja me Kahwang pemeima-a, iman monghümlaka yenang.

¹⁴Iman-e veete hüyange matvee te monghüm.

¹⁵Iman-e matvee te nyengma-a, tüowe iman tükpu ye-ok lak. Iman-e vee ja te wongnange jonma-a, tüowe iman tükke ye ang ok.

¹⁶Ünu kahtalan-a wanghe tepu hüng kih-e kuinang, pesha wankam mongme bheiye yantampu hüng kih ngohnang.

¹⁷Iman yalah longnyu neikonne pahnang, hüyange long eampa te yu nang.

¹⁸Hüpoi iman bhei yahwante iman tüoken me ngoh yangpu yang she aowe-o yeshing ok.

¹⁹Leihuyah, ünu kahta me ngohpu mongmei kümpuwa halan; sha-a ülao peinang hüyange iman nyoijinglan yahnang.

²⁰“Hüpoi Kahwange aope-o ümeng yenangpu kahta yewinlak, yejema-a ümeng lingpu kahtate aope-o yejamlak.

²¹Iye nangte mongmei ne tamlak hüyange üne-o nang jupen me hoonglipu üngwünne tamlak.

²²Aoyinne nangte nuyapeih imante wüokhüw tamlak, hüyange ümenglan nok-a yenangpe mahlak.”