Read Konyak Naga TÜOWELAIHEM 108 Bible Online

TÜOWELAIHEM 108 - Konyak Naga bible

TÜOWELAIHEM 108

¹Tao lanshe monghahpu ngohnang, O Kahwang, taowe hem loklak hüyange nangte yihlulak! Lüotüoh, ü-yaha!

²Lüotüoh, ü-kongki ümtük hüyange kongki lahha! Taowe wanghe shinlüone tamlak.

³O Youngwanpa, jatlan yo me taowe nangte minyong phalak. Kahtalan yo me taowe nangte yihlupu hem loklak.

⁴Hangjingne Nange yelakpe kenpuwe wang ütangpa ngoitam nang; nang ngaotingpawe wangte let nang.

⁵O Kahwang, nang kheyongpu wangyete, hüyange nang müktishiwapu kahtoknyu üshei yete hüotam tüoh.

⁶Nang yakjah ye-e toman yinpha, taowe yoppu te janpha, hümme nakshih nange kenpu kahtalan yinpu oklak.

⁷I üjaopa nyoi mepu Kahwange i, “Okpu ngepu phei Taowe Shekhem tamlak hüyange Succoth kahjee ü-kahtalante tamme phalak.

⁸Gilead üjing, hüyange Manasseh-o üjing; Ephraim-a ü-yan shaoshaoh hüyange Judah-a ü-ahngpa hon shengshaoh.

⁹Moab-a ü-yengjon yankhong ne jonlak hüyange Edom tangme Taowe ü-yashom shüppe tamlak, Philistialan tangme okpu ngepu taowe üngwünlak.”

¹⁰Aowe, chingtuk pepeyangpu chingnyute tao woi inlak? Edomte tao aowe woilak?

¹¹Nange toman winpu yeje a, O Kahwang? Toman nyahponglan phei nang jamme ya yeyonglak a?

¹²Wepalan phei tüi-e tomante jampha; kahtanyuhawe jampuwa jajang japu.

¹³Toman yekao me Kahwang ngohyange toman-e oklak; Iye toman wepalan naowe tamlak.