Read Konyak Naga TÜOWELAIHEM 112 Bible Online

TÜOWELAIHEM 112 - Konyak Naga bible

TÜOWELAIHEM 112

¹Youngwanpate yihlutüoh! Aowe Youngwanpate yihnoon, I ngaokenglan nyingme yahpu me aowe lahnyik mongko, tüopa kahta mongmeilak.

²Kahta ümei hayimlan kahmük me wongnange ngohlak; I huhayimlan-a moimanlak.

³Inoka moiman jemme hüyange haklak, hüyange iman khakshupuwa jinjinte jaalunlak.

⁴Aoyin me shüpshe, yayeng, hüyange ütingpa ngohnang, tüolan kahta ümeilan jingne wangnyak me wangngai tee-nang.

⁵Aowe Iye üsea phayangpu jingne shujange jonnang, aowe ngaoting iye pheeileih nang tüopa kahta moiman.

⁶Ütingha me I-a aope-o papu ye-ngelak; Khakshupu kahta-a jinte teihtüolak.

⁷Ngaolan ümeng jaipute I yenyam; I ütinglakpuwa wongnange, hüyange Iye Youngwanpate monghüm nang.

⁸I mong yeshang yejema-a yenyam; I wepalan-e yenaolaka Iye ütingme ngenang.

⁹Iye toinanpalante mongong monglepu phei phanang; hüyange Iye yayengpuwa aope-o yelan; I khakshupuwa jinjinte woinang; I üwonga yihnoonpu hüowe no-in nang.

¹⁰Ümenglan-e tüopa ngenang hüyange iman mongshih nang; müktakpuwe iman-e fa ngaolak hüyange ye-ngepe mahlak; iman monghümpuwa jinjintepu jingne mahteki.