Read Konyak Naga TÜOWELAIHEM 115 Bible Online

TÜOWELAIHEM 115 - Konyak Naga bible

TÜOWELAIHEM 115

¹Tomante yeje, O Youngwanpa, nangja shingte, hüyange tomante yeje, müktishiwa-a phalak; hangjingne ima-a nange yelakpe kenpu hüyange ütingpa jingne.

²Hangne jatlan-e, “Numan Kahwang-a üpu? she tomante tonglak!”

³Toman Kahwang-a wangdang me; Iye hanghe mong Iye tüopa lingnang.

⁴Iman jing kahwanglan-a hon hei khüm phei linge ngaipu, kahta yakke yaowe lingpu.

⁵Iman me ju ngohnang, hüpoi yengao ok, hüyange mük, hüpoi ye-nge.

⁶Iman me na ngohnang, hüpoi yejai ok, hüyange nateang, hüpoi üpe yepe ok.

⁷Iman me yak ngohnang, hüpoi jint-ne yepei, hüyange ya, hüpoi yekem ok; iman-e ngao ngaitam ne ye-ok.

⁸Aoyinne iman linge ngai hüyange aoyinne imante ütinglaknang khongkümpu iman-e linge ngaipu peshao (mieng) lan kih-e ngohne tamshih.

⁹Youngwanpate ütinglak tüoh, numan Israel kahtalan. Iye numante jamnang hüyange numan yinne angnang.

¹⁰Youngwanpate ütinglak tüoh, Aaron noksalan, Iye numante jamnang hüyange numan tükke angnang.

¹¹Youngwanpate ütinglak tüoh, Ite yoppe khümpu numan üshei. Iya numante jampa hüyange numan jing ree.

¹²Youngwanpawe teman teihtüonang hüyange temante moiman phalak; Iye Israel kahtalante moimanlak hüyange Aaron noksa khongkümpute moimanlak.

¹³Iye kahta lili aoyinne Ite yihnoon, üjoi hei üyong moilante moiman phalak.

¹⁴Youngwanpawe nangte hayim phashih, nang hüyange nanghu nanghayimte!

¹⁵Nanga aowe wangdang hüyange kahtoknyu lingengai tüopa Youngwanpawe moiman shih!

¹⁶Wangdanga Youngwanpa jing shaha, hüpoi Iye kahtate kahtoknyu pha.

¹⁷Youngwanpate litepulan, aoyin yimchingte taiye ngohnang iman-e yihlu ne ye-ok.

¹⁸Hüpoi toman, üyin me ngohpalan-e, sha-a hüyange jinjinte Ite minyong phalak. Youngwanpate yihlutüoh!