Read Konyak Naga TÜOWELAIHEM 12 Bible Online

TÜOWELAIHEM 12 - Konyak Naga bible

TÜOWELAIHEM 12

¹Youngwanpa, tomante jempha! hangjingne shaaji Kahwang kahtalan-a towe yenang; ütinglakpu kahta shaaji kahta yo me yenangpe lakteki.

²Iman üsheiye shejawe shejate tahleih inang; yeiyapu jupen hüyange mongjang ni nyimyange iman-e ngaonang.

³Tüolan yeiyapu yee lakne tamtüoh, O Youngwanpa! Tüolan otamaohe ngao phei hüke ipu,

⁴“Toman-e hanghe yahhu toman ngao kaiye tüonang. Toman-e hanghe teih toman-e ngaolak, hüyange aowe-o tomante tienpu ye-oklak?” she ngaopu ju büangtam tüoh.

⁵“Hüpoi sha-a tao peilak,” she Youngwanpawe inang; “Hangjingne toinanpalan te shaoshi phawe tam hüyange shaoshi yatenge tampuwe jeihteiye wao ea nang; Iman-e yoonge tanpu kih-e taowe iman yintampu peitamlak.”

⁶Youngwanpawe janpu me ütinglaklak ngohnang; tüolan-a vünjhom me nyit me jakke leiyangpu khüm kih-e ütingpa ngohnang.

⁷Jinte toman yin angpha, O Youngwanpa, hüyange tüokihpu kahtalan mepu toman tükke angpha.

⁸Ümeng kahtalan-a kenphe me, hüyange moilan-e hanghepa ünu ümeng ngohnang tüopate minyong phanang.