Read Konyak Naga TÜOWELAIHEM 124 Bible Online

TÜOWELAIHEM 124 - Konyak Naga bible

TÜOWELAIHEM 124

¹Teman yekaome Youngwanpa yenangpu ne mengma-a hang ilak? Jantüoh, O Israel!

²Aope teman wepalan-e temante shümyapei, “Youngwanpa teman yekao me yenangpu ne mengma-a,

³hüma-a teman phei tüi-e nyamlakpa ne iman mongshihpuwe teman-a üyin me iman-e lünge taiteiye ngohhah shepu;

⁴hüma-a muleampuwe teman-a yah teihteiye ngohhah shepu, yenge temante büange mah hahshepu;

⁵hüyange akshengyeng yongpu me teman-a hüngteiye ngoh hah shepu.”

⁶Youngwanpate minyong phahah, aowe teman wepalan-e teman mahne yetam.

⁷Teman tüntünpa hankhak mepu awha yinpu kih-e yinteki; tün-a mengteki, hüyange temante shapu hango yenang!

⁸Temante jampuwa Youngwanpa min me, aowe wangdang hüyange kahtoknyu ling.