Read Konyak Naga TÜOWELAIHEM 129 Bible Online

TÜOWELAIHEM 129 - Konyak Naga bible

TÜOWELAIHEM 129

¹Tao naoshe wante muh iman-e yeonge üte shaoshine tam; sha-a Israel-e ngaotam tüoh.

²“Tao naha ne ngohwante muh, ü-wepalan-e üte yemeipe shaoshi phayangki; hüpoi iman-e üte yenao ok.

³Iman-e ü-tok me mako ülu sha, hüyange hatüowa kah hokpu kahko kih-e linge tam.

⁴Youngwanpa-a, khakshuwe ngoh nang; ümenglan jing wu Iye wet tam.”

⁵Aoyinne Zionte nunang moilan naone hüyange tokphei yete jange yene tamshih.

⁶Iman khongkümpu noktok me nyimpu, jongshao me li mahpu hüng kih-e mengshih;

⁷aowe-o tüopa moiye yejem yejema-a ütüp ne shayange yah yetai.

⁸Iman linne taipu aowe-o imante “Youngwanpawe numante moimanshih! Youngwanpa minme toman-e numan moiman tamnang she ye-ilak.”