Read Konyak Naga TÜOWELAIHEM 136 Bible Online

TÜOWELAIHEM 136 - Konyak Naga bible

TÜOWELAIHEM 136

¹O Youngwanpate minyong phatüoh, hangjingne I-a meinang; Iye kenpuwa üküm yenang.

²O kahwanglan tokte Kahwangte minyong phatüoh; Iye kenpuwa üküm yenang.

³O Youngwanpalan tokte Youngwanpate minyong phatüoh; Iye kenpuwa üküm yenang.

⁴I jashinge yashan yali üyong linge ok; Iye kenpuwa üküm yenang.

⁵Aohe yoi konjonge wangdanglan ling; Iye kenpuwa üküm yenang.

⁶Aoheye yeng tangme kahtok lan-e ling; Iye kenpuwa üküm yenang;

⁷Aoheye wangngai üyong ling; Iye kenpuwa üküm yenang.

⁸Nyihning wangheye wanglam lamlak; Iye kenpuwa üküm yenang;

⁹wangnyak me linnyu hei shanhalan-e wanglam lamlak; Iye kenpuwa üküm yenang.

¹⁰Aoheye Egyptlan üwangne puhpu hayim toi; Iye kenpuwa üküm yenang.

¹¹Hüyange iman yo mepu Israel woi ngai; Iye kenpuwa üküm yenang;

¹²I wongnangpu yak, I wong pheipu yaksea phei; Iye kenpuwa üküm yenang.

¹³Aoheye Ütak yengching ni ne tang; Iye kenpuwa üküm yenang.

¹⁴Hüyange Iye yoi kahtalan tüo yo me woi; Iye kenpuwa üküm yenang.

¹⁵Hüpoi Iye Pharaoh hüyange I jing nyahponglan hüngne tam; Iye kenpuwa üküm yenang.

¹⁶Aoheye yoi kahtalan wanwüngjeng kaiye woi; Iye kenpuwa üküm yenang.

¹⁷Aoheye wongnangpu ahngpalan toi; Iye kenpuwa üküm yenang.

¹⁸hüyange ahngpa ütahlan toi; Iye kenpuwa üküm yenang.

¹⁹Amorlan ahngpa, Sihon; Iye kenpuwa üküm yenang.

²⁰hüyange Bashan ahngpa, Og; Iye kenpuwa üküm yenang.

²¹Hüyange iman kahtok-a yoi kahtalante pha; Iye kenpuwa üküm yenang.

²²Iye tüolan-a Israel, I shaoshanpalante mothlei ne pha; Iye kenpuwa üküm yenang.

²³Aope teman-e yenao ok Iye teman yepe; Iye kenpuwa üküm yenang;

²⁴Hüyange teman wepalan mepu teman yinne tam; Iye kenpuwa üküm yenang.

²⁵Aoheye üyin yinmok khongkümpute hahying phanang; Iye kenpuwa üküm yenang.

²⁶O wangdang Kahwangte minyong phatüoh; Iye kenpuwa üküm yenang.