Read Konyak Naga TÜOWELAIHEM 137 Bible Online

TÜOWELAIHEM 137 - Konyak Naga bible

TÜOWELAIHEM 137

¹Babilon yengyin nah me toman shot, tüoken me aope toman-e Zion teihtüo, toman shap.

²Phangshit pee yome toman-e kongki ümtük kinne ang.

³Hangjingne aoyinne toman pho tüolan-e tomante loklak jingne i; iman mongmei ne tam-e lokpha she tomante, “Zion jeng iye tomante hem lokke hüotehu she i.”

⁴Yinching kahmük me toman-e hangke Youngwanpa hem lokne?

⁵Taowe nang pemahma-a, O Jerusalem, ü-yakjahye kui mintashih!

⁶Taowe Jerusalem-a ü-mongmeipu ütahpa tangme angne yetam ma-a, taowe nang yeteih tüopu ne mengma-a, ü-yee-a deptao me min neak yah ma!

⁷Jerusalem ompu nyih Edomlan-e hanghe ling, teihtüopha, Youngwanpa. “Kahtok phei nyütte menge tamtüoh,” she hangke iman-e yelakpe ngao teihtüo pha!

⁸O Babilon yhala, mahshüm-e mengtampupa! Nange tomante hanghe linge tam, aowe tüopa leih pha, mongmeilak,

⁹aowe nang naotak halan yah hüyange longnyu tangme iman shuwe khoih tüopa kahta mongmei lak.