Read Konyak Naga TÜOWELAIHEM 14 Bible Online

TÜOWELAIHEM 14 - Konyak Naga bible

TÜOWELAIHEM 14

¹Üngapalan-e iman nying nyingke inang, “Kahwang yenang ja.” Iman khongküm ümeng, hüyange iman-e nyam nyam shepu toi ling; ümei lingpalan ja nehoi yenang.

²Deitahpu ütam hüyange Ite yoppe khümpu ütam ngohya shi she, Youngwanpawe kahtanyuhate wangdang mepu lei tainang.

³Iman khongkümpu ünyong yete taiteki; iman khongkümpu jakih-e yemei. Hanghe ütingpa iman yo mepu she jawe nehoi yeling; yenang sheja nehoi yenang.

⁴“Iman-e yeshingpu ne a?” Youngwanpawe tong. “Ümeng lingpu khongkümpuwa üpong yetüopulan a? Iman-e ü-kahtalan mepu nyieyah yange nyoinang, hüyange iman-e aope-o üte yeyop.”

⁵Hüpoi hüke ngohyapoi iman yeonge nyampuwe ponglak, hangjingne ima-a aoyinne I ngao jai khakshuwe ngoh, tüolan phei Kahwang ngohlak.

⁶Ümeng lingpalan-e kahta ümei juteih shümme tamnang, hüpoi Youngwanpa-a iman lojing ngohnang.

⁷Israelte yinne tampupa Zion mepu peilak hangke taowe yop. Aope Youngwanpawe nishe iman jaalun-e tamlakei Israel mongmei lak; Jacob hoongli mongonglak.