Read Konyak Naga TÜOWELAIHEM 140 Bible Online

TÜOWELAIHEM 140 - Konyak Naga bible

TÜOWELAIHEM 140

¹Ümeng kahtalan mepu tao yinpha, O Youngwanpa; yakphei lükpu kahtalan mepu tao yinne angpha.

²Aowe hipak phe me ümengpa tümnang; hipak phe me tee ngai tamnang.

³Imanjing yi-a pu ümeng kih-e nah nang; iman ngaowa pujam soihüng kih-e ngoh nang. Oyaih

⁴Ümenglan wong mepu tao yinpha, O Youngwanpa; yakphei lükpu kahtalan aoyinne tao yeitamlak jingne konkon nang, iman mepu tao yinpha.

⁵Otapu kahtalan-e üjingne tün angteki; iman-e iman tünkam angteki hüyange lam paowe tao pholak jingne iman-e tün angteki. Oyaih

⁶Taowe Youngwanpate i, “Nanga ü-Kahwang,” jamlak jingne taowe üngwünpu jaipha, Youngwanpa!

⁷O Youngwanpa Ü-Kahwang, wongnang puphei tao yintampha, shapju me nange tao jongwanne ang.

⁸Youngwanpa, ümenglan te iman-e hanghe yahhu tahpha; iman-e konkonpu okpu ngene tah tam. Oyaih

⁹Ü-wepalan te okpu ngene tahtam; iman-e üjingne tümpu ümengpa iman tangme yeitam shih.

¹⁰Iman tangme vün pheipu vünoun yeitam shih; iman kahsate yeitam shih hüyange aope-o ngaine tahtam tüoh.

¹¹Aoyinne eihalante tahleih iye ümeng pha nang tüolan okpu ngene tahtam tüoh; yakphei lükpu kahtalan-a ünupawe naone tamtüoh hüyange iman mahtam shih.

¹²Youngwanpa, toihalan jingne, hüyange toinanpalan tinge tamlak jingne nang yongnang she taowe shingnang.

¹³Ütingme khakshupulan-e nangte yihlulak iman nang phin me nyoilak.