Read Konyak Naga TÜOWELAIHEM 141 Bible Online

TÜOWELAIHEM 141 - Konyak Naga bible

TÜOWELAIHEM 141

¹Taowe nangte nyiknang, O Youngwanpa; sha-a üte jampha! Aope taowe nangte nyik üte jaipha.

²Taowe yoppu üpe ümei kih-e, taowe nopu üyak-a ünpong me toidopu yahpu kih-e yahtepha.

³O Youngwanpa, ü-jupong yompa ja, ü-jupen taten me yomme yongpu ja angpha.

⁴Taowe püohpinne linghupu mepu, hüyange ünu kahtalan phei iman ümengpa phei jamhuwe teihpu mepu tao tükyah. Iman motappu me taowe aope-o meitam tahyah tam.

⁵Kahta ümeiye üte yayenge teihpuwe teetam-e hüyange shangne tamne ok, hüpoi ünu kahtalan-e yihnoonpu taowe aope-o yeyahlak; hangjingne taowe hipak phe me iman-e lingpu toimeng phei tüi-e yopnang.

⁶Aope iman wanglam lampalan longwak khüwte yeitamlakeih, taowe ngaoyangpulan-a üting she kahtalan-e shinge peilak.

⁷Pee ja phakke khaiye toiloi ta hüyange kahkook me shüngpu kih-e, tüokih-e iman waanlan-a mangjong phin me yatte shainang.

⁸Hüpoi taowe ütinglakpu nangme angnang, O Youngwanpa Ü-Kahwang. Nange yin angpu taowe yamnang; tao li ne tahtam!

⁹Iman-e üjingne tüm-e angpu tün mepu, ünu lingpalan tünkam mepu tao yinpha.

¹⁰Tao yeyütpe linne taiwante ümenglan-a iman yoi-e lingpu tün me pho shih.