Read Konyak Naga TÜOWELAIHEM 144 Bible Online

TÜOWELAIHEM 144 - Konyak Naga bible

TÜOWELAIHEM 144

¹Youngwanpa Ü-jongwanpate yihlutüoh! Shapju jingne Iye üte thrimlei pha hüyange wehok jingne ü-yaklan tümme tam.

²I-a ü-jongwanpa hüyange ü-shaoyinpa, tao yintampa hüyange lojing, ao me taowe yinlak jingne taowe ütinglak nang. Iye jatlan-a ü-yaphang me naowe tamnang.

³O Youngwanpa, nange Ite leilak üne, hangko kahta; tüote nange mongphalak üne, kahta-a hanghe?

⁴I-a wangyang lüo ja hei lenang; I nyihlan-a linne taipu yashüm ja leye hei ngohnang.

⁵O Youngwanpa, wangdang tamme shonge hittüoh hüyange yukei; kahtanglante lettüoh, hüyange iman-e vünkhuh ngailak.

⁶Wanglüpne tam-e wang yutüoh hüyange nang wepalan yantamtüoh; nang lahhanlan keptüoh hüyange iman phette taine tamtüoh.

⁷Ütangye mepu nang yaklow yüopha, yeng ülu mepu tao shuiye ngaitüoh, hüyange tao yinpha; kahhenglan wong mepu tao yinpha;

⁸Aoyinne ju-a ngaoleih shaha ngao, hüyange aoyin yakjah ye-a tahleih ngohnang.

⁹Taowe nangte hem üla ja lokke tamlak, O Kahwang; taowe kongki ümtük konglak hüyange nangte lokke tamlak.

¹⁰Nange ahngpalante okpupa pha, hüyange nang shaoshanpa David yinne tam.

¹¹Ü-wepalan mengshipu yanglow mepu tao yinpha; hüyange kahhenglan wong mepu tao yintam pha, aoyinne ju-a ngaoleih shaha ngao, hüyange aoyin yakjah ye-a tahleih ngohnang.

¹²Tomanjing naoshelan iman shela wante wongnange jongpu pephao kih-e mengpha. Tomanjing yhalan ahngnok me shitte phoyange nyünpu shongnyulan kih-e mengtam pha.

¹³Ülick ülam liliye toman bung maatam pha. Nyeelan-e toman kah me üha haja pen tokte puhtampha.

¹⁴Tomanjing mahulan üha yepuhpe yengohtampe yejema-a yemahpe üngang jaalun-e tampha. Toman jing püanglam lanme mongmengpu ngaine tahtam pha.

¹⁵Hatüo ütingpa me ao jatte ngai mongmeilak; aoyin Kahwangne Youngwanpa menglakei, tüolan kahta mongmeilak.