Read Konyak Naga TÜOWELAIHEM 17 Bible Online

TÜOWELAIHEM 17 - Konyak Naga bible

TÜOWELAIHEM 17

¹Ütingpa jingne taowe tongpute jaipha, O Youngwanpa; jam-e ponglak jingne taowe üngwünpu te na shonge jaipha! Taowe innenyaiye yoppute jai pha.

²Hanghepa üting nange shingnang, tüokhei nange üte meilak ne ngao phünlak.

³Nange ü-mongjang shingnang; nang ü-tangte wangnyak me pei; nange üte lanshe tokke leiyangki; hüyange üme ünu lahnyikpu hango yetüo.

⁴Eihalan-e ngaopu kih-e taowe ümeng yengao; nang ngaokhüm taowe jonyangki, hüyange yakphei lükpu toimeng lamnyute yekem.

⁵Tao jinte nang lamnyu me kem, hüyange tüopa mepu aope-o yanne yetai.

⁶Taowe nangte yopnang, O Kahwang, hangjingne ima-a nange üte jannang; Tüokhei ü-yekaote lüppe yekei hüyange ü-ngaote jaipha.

⁷Nange yashan yali she kenpu ütahte ngaitam pha hüyange toman yinpha; nang phei ngohyange toman wepalan mepu toman yinpu oknang.

⁸Nang mükshao me nange hangke teih hüke tao büange angpha; nang yang wangshüm phangme;

⁹Ümenglan-e shümpu mepu tao lowe angpha. Wepa ümenglan-e tao neikonne ngohnang.

¹⁰Iman me yayenge teihpu mongjang yenang hüyange iman juwe otapu phei ngao nang.

¹¹Ümekente tao lüplakei, shaapa-a iman-e tao neikonyange ngoh nang, tao shuiye yeilak jingne hipak ümeite leiye yomnang.

¹²Iman-a yengkong mailang kih-e, tao phünne khoi-e winhuwe tao tanne ngohnang.

¹³Peikei, O Youngwanpa! Ü-wepalante tientüoh hüyange iman naotam tüoh! Nang yanglow kaiye ümenglan mepu tao yinpha.

¹⁴O Youngwanpa, hatüo kahtoknyu üyin me iman-e lengpu kih ngohpu lan mepu tao yinpha. Nange iman jingne yowe angpu shanghah shaoshi phei imante shangne tamtüoh; iman hayimlan jingne-o wangman-e hüyange iman huyimlan jingne ütam towe angtam shih!

¹⁵Hüpoi taowe nang ngelak, hangjingne ima-a taowe hang ümengo yeling; hüyange aope tao shinlüo lakei, nang omme ngohtepuwe tao mongmeilak.