Read Konyak Naga TÜOWELAIHEM 2 Bible Online

TÜOWELAIHEM 2 - Konyak Naga bible

TÜOWELAIHEM 2

¹Hangne jatlan-e hokkewepu? Hangne kahtalan-e jajang japu iman konmeng lingpu?

²Kahtok ahngpalan-e mopngai, iman wanglam lampalan-e jamshe Youngwanpa phei tüi-e konmeng kon hüyange Iye lepu ahngpa phei tüi-e yong.

³Iman-e i, “Iman-e wanglam lampu phangmepu teman nying nyingke lanhah; iman-e wanglam lampu kawinhah.”

⁴Wangdang mepu ahngpa shotjing mepu Youngwanpawe nyinang, hüyange wong yenangpu iman toishaote yaole tamnang.

⁵Tüophei me I mongshih ngaiye imante deingao phalak hüyange I yeonge yemeipe mongshih ngaipuwe iman yeonge nyamtamlak.

⁶“Zion, Ü-üjaopa kahtang me, Taowe ü-ahngpa shotne tam.”

⁷Ahngpawe i, Youngwanpawe hanghepa ngaowe tam, taowe shingne tamlak: Iye üte ngaowe i, “Nanga üha, tenyih taowa nangpa ne mengnang.

⁸Üte yutüoh, hüyange taowe nangte jatlan khongkümpu phalak; kahtoknyu nopuwa nang jing moth ne menglak.

⁹Nange iman-a wanglam lampu shengshaoh phei menge tamlak; kümptük paipu kih-e nange iman khoihnyai-e menge tamlak.”

¹⁰Sha-a tüopa deingao jaiyah, numan ahngpalan; tüopa nyüopu shinge yahtüoh, numan kahtoknyu wanglam lampalan.

¹¹Nyam-e lepuphei Youngwanpa shaoshan tüoh;

¹²Ite ümme khüm-e omhüp tüoh; yejema-a I mongshih ngaipu mam she loongkülak, hüyange numan mokhshe lilak. I phang me lo ne aoyin tainang iman khongkümpu mongmeilak.