Read Konyak Naga TÜOWELAIHEM 21 Bible Online

TÜOWELAIHEM 21 - Konyak Naga bible

TÜOWELAIHEM 21

¹O Youngwanpa, Ahngpa-a mongmei nang, hangjingne ima-a nange Ite wong pha; I hoongli mong ongnang hangjingne nange Ite okpu ngeye tam.

²Nange Ite I mongjang me lahnyike teihpu pha; Iye tongpute nange janyangki. Oyaih

³Moiman üyong phei nang I tangte pei hüyange I shangme hon shaoshaoh shaohtam.

⁴Üyin jingne Iye tong, hüyange tüopa pha jinlaopu hüyange yemahlak üyin.

⁵Nange jampu jingne I müktishiwapu yongnang; minyong ngampai hüyange kheyongpu nange Ite pha.

⁶Nang moimanlan-a jin jinte Iphei ngohnang, hüyange nang omme ngohtepuwe I mongmeiye maanang.

⁷Ahngpawe Ütahpa Youngwanpate monghüm nang; hüyange Youngwanpawe yephünpe kenpu jingne I jinte yinpu okke shaha ngohnang.

⁸Nang yak-e wepalan khongkümpu pholak; aoyinne Ite müktak nang iman lili I yakjah ye-e pholak.

⁹Aope I ngailakei Iye iman-a vünloonge ngohpu vünnyoi kih-e linge tamlak. Youngwanpawe I mongshih ngaipuwe iman-a lünge mahtamlak, hüyange vünne iman hah shulak.

¹⁰Iman huhayimlan ao-o yeyanglak; ahngpawe iman khongkümpu toilak.

¹¹Iman-e iman juteih tüm, hüyange I phei tüi-e konkon, hüpoi iman-e okpu ye-ngelak.

¹²Iye imante Ijing lahhan-e keplak, hüyange iman lüpne tamlak hüyange phetlak.

¹³Youngwanpa, nang wong üyong jingne toman-e nang min yongnang: Toman-e loklak hüyange nang wong jingne yihlulak.