Read Konyak Naga TÜOWELAIHEM 22 Bible Online

TÜOWELAIHEM 22 - Konyak Naga bible

TÜOWELAIHEM 22

¹Ü-Kahwang, ü-Kahwang, hangne nange to tüohke? Üte jamlak mepu hüyange tao wao eapu mepu nang hangne teshinne jaiye ngohke?

²O ü-Kahwang, nyihning taowe nangte nyik, hüpoi nange yejan; taowe wangnyak me nyik, hüpoi toloi meipu yetüo.

³Tüoyangpoi nanga üjaopa ne ahngpa shotjing me shotte tam, aote Israel-e yihlupu pha.

⁴Toman jing pajeiyonglan-e iman monghümpu nangme ang; iman-e nangte monghüm, hüyange nange iman yintam.

⁵Iman-e nangte nyik hüyange ütuh mepu yin; iman-e nangte monghüm hüyange mongmengpu yehüo.

⁶Hüpoi tao shaaji kahta ja ne yejepu; taowa yongyat ja hei, phoiwümpu hüyange kahta lili-e hangke-o yeteihpu!

⁷Aoyinne tao nge khongkümpuwe üte nyiye tam; iman-e ju hunge tamnang hüyange iman ngüm shengnang.

⁸“Iye Youngwanpate mongnyeng nang, hangne Iye nang yinne yetampu? Youngwanpawe nangte lengpu ne mengma-a, Iye nang yinne tamtüoh!”

⁹Tüoyangpoi nange taowa naonyoi mepu ngaitam; ünyu düam memuh nangte taowe monghümlak ne nange lingtam.

¹⁰Tao puhpu nyih mepu taowe nang me mongnyeng, hüyange nanga jinte ü Kahwang ne ngohyangki.

¹¹Ü-mepu jaiye yanne tah ngoh! Shanghah shaoshi owe ngohnang, hüyange jamlak ja nehoi yenang.

¹²Wepalan üngang mahu üponglan kih-e ü neikon nang; Bashan kahtok mepu nyam nyamshepu mahu üponglan kih-e, iman khongkümpu ü-neikon-e ngohnang.

¹³Iman-e iman ju yengkong mailang kih-e, üte menge leiye waowe kaanang.

¹⁴Ü-wong kümteki, kahtok me yeng shaipu kih-e mahteki. Ü-waan khongkümpu teihüppu yenang; ü-mongjanga pondi kih-e juteki.

¹⁵Ü-üngsa-a kahmak kih-e wanteki, hüyange ü-yee-a deptao me latteki, nange taowa lipu kahmak me lamne tamteki.

¹⁶Kuihalan-e üte neikonteki; Kuhleihpu ümeng kahtalan-e tao neikon teki; iman-e ü-ya hei yak te shatam nang.

¹⁷Ü-waan khongkümpu ngepu oknang. Ü-wepalan-e üte khak ange leinang.

¹⁸Iman-e ü-nyemolan jingne phongyeng lei hüyange tüolan-a iman yo me tam-e yah.

¹⁹Hüpoi, O Youngwanpa, ü-mepu yanne taiye tah ngoh tepha! Tao yintamlak jingne mamshe peikei!

²⁰Yanglow mepu ü-üyin yinpha; Ü-üyin tüolan kuihalan mepu yinpha.

²¹Tüolan yengkong mailanglan ju mepu tao yinpha; phao pongwan üwong mepu tao yinpha.

²²Taowe ü-jeiheinao hei nyanaolante nang min ilak, ükhong jemjing me taowe nang min yonglak.

²³Ite yihlutüoh, numan Youngwanpa shaoshanpalan! Ite wangshüm hüotüoh, numan Jacob huhayimlan! Ite yoppe khümtüoh, numan Israel huhayimlan!

²⁴Iye toinanpalante mong yephape yetüoh yejema-a iman shaoshipu ye-i-yeshepe yetüoh; Iman mepu I lüppe yetai, hüpoi aope iman-e jamlak jingne nyiklakei jannang.

²⁵Khakwange ükhong jempu me nange hanghe lingyangki tüopa jingne taowe nang min yonglak; aoyinne nangte yoppe khümnang iman omme ngohwante taowe janyangpu jakke dopu taowe dolak.

²⁶Toihalan-e iman-e okpu shinne hahlak; aoyinne I yam iman-e Youngwanpate yihlulak. Iman jin jintepu jingne jaalun shih!

²⁷Jatlan khongkümpuwe Youngwanpa teih tüolak. Kahtoknyu üken phe mepu iman I tangte peilak; lilan üsheiye Ite yoppe khümlak.

²⁸Wanglam lampu-a Youngwanpa jing, hüyange Iye jatlante wanglam lamnang.

²⁹Otamaohepu kahtalan khongkümpuwe Ite ümme khümlak; Hangko kahta khongkümpuwe I sheshao me ümme khümlak. hüyange taowa I jingne ngohlak.

³⁰Ngoikülak jinne I shaoshanlak; kahtalan-e peikülak jinte Youngwanpa jeng ilak.

³¹Iman-e manpuhpu kahtalante, I khakshupupa pongtamlak; hangjingne hatüo Iye lingyangki she ilak.