Read Konyak Naga TÜOWELAIHEM 28 Bible Online

TÜOWELAIHEM 28 - Konyak Naga bible

TÜOWELAIHEM 28

¹O Youngwanpa, ü-longnyu, taowe nangte üngwün nang. Üte minjai she tahlan pha! Nange üte yejanma-a, aoyin yimching te ta-nang tüolan yo me ja ne tao menglak yang.

²Taowe nang üjaopa khümjing yekaote ü-yak hongyange üngwünpute, taowe nangte jamlak jingne üngwünpu, nange üte jaipha.

³Ümengpa phei hüyange ümeng lingpalan phei, aoyinne yoi yupi phei chingmei ngaoyange, yoi mongjangma-a ümengpa ngoh nang, iman phei tao tah woitam.

⁴Iman-e hanghe lingyangki tüojingne imante, iman-e ompu ünu jingne shaoshi tamtüoh. Iman-e lingyangpu toishaolan khongkümpu jingne; iman-e hanghe tüone wang, imante shaoshi phatam tüoh!

⁵Youngwanpawe hanghe linge tam, yejema-a Iye hanghe ling, iman-e shinge yeyahpukhei; tüokhei Iye imante shaoshi tamlak, hüyange jintepu jingne iman menge winlak.

⁶Youngwanpate yihlupu phatüoh; jamlak jingne taowe üngwünpu Iye jaiteki.

⁷Youngwanpa-a ü-wong hüyange ü-ree; ü-mongjange Ite ütinglak, hüyange taowe jampu tüo; ü-mongjang yeonge mongmeinang; hüyange taowe ü-hem-e Ite yihlunang.

⁸Youngwanpa-a yoijing kahtalan wong; Iye lepu ahngpa Iye tienne hüyange yinne angnang.

⁹O, nangjing kahta yintam tüoh, hüyange aoyin nang mothleine mengnang moiman tampha. Iman nyeeyompa ne mengpha, hüyange jintepu jingne imante paopha.