Read Konyak Naga TÜOWELAIHEM 29 Bible Online

TÜOWELAIHEM 29 - Konyak Naga bible

TÜOWELAIHEM 29

¹Youngwanpate yihlutüoh, numan wangdang pinhalan; Youngwanpa müktishiwa hei ünganwong te yihlutüoh;

²Youngwanpate ütahpa müktishiwa minme yihlu tüoh; Youngwanpa Üjaopa sheshao me ümme khümtüoh.

³Youngwanpa ngaowünga yengchinglan me jainang; müktishiwa Kahwang wangkhongpu, hüyange Youngwanpa ngaowüng yengching tangme lüngjan nang.

⁴Youngwanpa ngaowünga üshei me ütahpa me, hüyange Youngwanpa ngaowünga wongnangpu phei jainang.

⁵Youngwanpa ngaowünge cedarlan mengtam nang, Youngwanpawe Lebanon cedarlan nehoi mengetam nang.

⁶Iye Lebanon kahtanga mahu üha phaopu kih-e phaotamnang, hüyange Hermon kahtanga mahu üpong üha kih-e homne tamnang.

⁷Youngwanpa ngaowünge wanglüppe wangyune tamnang.

⁸Youngwanpa ngaowünge wanwüng kahtok potam nang; Iye Kadesh wanwüng kahtokte potam nang.

⁹Youngwanpa ngaowünge longkhampeelan te shuitam nang; hüyange pee mepu üyaklan yüttam nang. Hüyange Ijing khümjing me moilan-e “Müktishiwa” she üngwün nang.

¹⁰Youngwanpawe muleampu yeng tangme wanglam lamnang; Iye jinjinte ahngpa ja ne wanglam lamnang.

¹¹Youngwanpawe yoi kahtalante wong phashih, hüyange imante chingmei phei moiman tamshih.