Read Konyak Naga TÜOWELAIHEM 30 Bible Online

TÜOWELAIHEM 30 - Konyak Naga bible

TÜOWELAIHEM 30

¹Youngwanpa, taowe nangte yihlunang, hangjingne nange tao yintam hüyange ü-wepalan-e üte ngotshe leipu mepu tükke ang.

²O Youngwanpa ü-Kahwang, üte jamlak jingne taowe nangte üngwün, hüyange nange tao meiye tam;

³O Youngwanpa, nange tao mangjong mepu yintam. Taowa üphangpa yimchinglamnyu te taiye ngoh, hüpoi nange ü-üyin tükke ang.

⁴Youngwanpate yihlupu loktüoh, I jing üjao kahtalan üsheiye! I Üjaopate minyong phatüoh!

⁵I mongshih ngaipuwa ütenjapu mongte hei, I meimapuwa üyin jin kümpu jingne. Wangnyak me mükphi yünne ok, hüpoi napning me mongmei peinang.

⁶Taowe taowa yinne okke ngohnang she teihnang hüyange ü-nying nyingke i, “Tao aope-o ye-okpu ye-ngelak.”

⁷Nanga üte meinang, Youngwanpa; kahtang üyong ja leye nange tao tienne angnang. Tüoyangpoi nange nang nying nyingke ü-mepu lo, hüyange tao nyamyangki.

⁸Youngwanpa, taowe nangte nyik; nange jamme ponglak jingne taowe yoppe tong;

⁹“Tao lipuwe nange hang küw tüolak? Mangjongte tao taipu me hanghe küw ngohlak? Litepulan-e nangte minyong phapu oklak a? Aope-o yepang yepapu nang meipu jeng iman-e pongpu oklak a?

¹⁰Üte jaipha, Youngwanpa, hüyange shüpshe pha! Üte jampha Youngwanpa!”

¹¹Ümong mengpuwa mongmei polok ne nange jeilei tam; Nange ü-monnye yah tei hüyange mongmeipuwe innetam.

¹²Tüokhei tao jünge yengohlak; taowe nangte minyong hem lokke tamlak. Youngwanpa, nanga ü-Kahwang, taowe nangte jinte minyong phalak.