Read Konyak Naga TÜOWELAIHEM 32 Bible Online

TÜOWELAIHEM 32 - Konyak Naga bible

TÜOWELAIHEM 32

¹Aoyinte ünu wintam, hüyange toimenglan ünu wintam, iman mongmeilak.

²Youngwanpawe toimeng lingteki she ümeng yephapalan hüyange ao me lowelampu hango yenang tüopa kahta mongmeilak.

³Aope taowe ü-ünu yejanyapeih, tao nyihlao hipak shappuwe towe nyai.

⁴Hangjingne wangnyak wangngai Nange üte shaoshi yatengpu pha; jüo wangheye phom ih ea tampukih-e, ü-wonga jaosheye poitai. Oyaih

⁵Tüophei me taowe ü-ünu nangte jan; taowe püohpinpu taowe lowe ye-ang. Tüolan-a taowe nangte ümeng janlak jingne tüm, hüyange nange ü-ünulan ümeng wintam. Oyaih

⁶Tüokhei wongpong hipak me Kahwang kahtalan khongkümpuwe nangte yoplak wongpong; aope shangpu muleampu üyong shunge peilakeih, tüolan-e iman yüone ye-oklak.

⁷Nanga ü-lojing nyoi; nange tao shangpu mepu yinlak. Nange yintampu taowe üngwünne loknang, hangjingne ima-a nange tao tükke ang. Oyaih

⁸Youngwanpawe i, “Nang tailak lam taowe nyüotam phalak; taowe nangte nyüowe tamlak hüyange ü-mük-e yom-e leilak.

⁹Koipong yejema-a lwngkoi kih-e tah nga, hangheye iman woitamlak jingne fagam hüyange sheamwu phei woinang.” Tüokaiye iman nang tangte yepei.

¹⁰Ümengpa-a shaoshilak ne ngohnang, hüpoi aoyinne Youngwanpate ütinglak iman-a yelakpe Iye kenpuwe tükke angnang.

¹¹Numan aoyin khakshupu me ngoh, hoonglitüoh hüyange mongong tüoh. Numan Ite jaipalan khongkümpuwe mongongpuwe üngwüntüoh!