Read Konyak Naga TÜOWELAIHEM 33 Bible Online

TÜOWELAIHEM 33 - Konyak Naga bible

TÜOWELAIHEM 33

¹Khakshupu me ngohpu numan khongkümpuwe, Youngwanpate mongmei üngwüntüoh; Ite ngao jaipalan numan khongkümpuwe Ite yihlu tüoh.

²Kongki ümtüklan phei Youngwanpate minyong phatüoh. Yanlah pen shinyangpu kongtoi phei Ite hem lokke tamtüoh.

³Ite hem üla lokke tamtüoh, wongnangpu phei kongki ümtük kongtüoh, hüyange mongong üngwüntüoh!

⁴Hangjingne Youngwanpa ngaolan-a üting hüyange I toishao khongkümpuwa monghümlakpa.

⁵Youngwanpawe hanghepa khakshupu hüyange ütingpa tüopate kennang; Iye yelakpe kenpuwe kahtoknyu maatam nang.

⁶Iye ngaopha yange Youngwanpawe wangdanglan, Iye ngaowe tampu ngaowe tüome ngohpulan khongküm ling.

⁷Yengching khongkümpu Iye yengtük ja me shaijem; yengching üluwa Iye bung me latyange ang.

⁸Youngwanpate nyamtüoh kahtok üshei! Kahtoknyu kahtalan üsheiye, Ite nyamme letüoh!

⁹Hangjingne Iye ngao, hüyange tüopa ngai; Iye phapu ngao me sheminlam phe mongjüonge ngaiyangki.

¹⁰Jatlan-e teihpulan-a Youngwanpawe angsa ne menge tamnang; iman juteihlan jonne tailak mepu Iye tien nang.

¹¹Hüpoi I juteihlan-a jinte toine menge lingnang; Iye teihpulan-a jinte üküm yenangpe ngohnang.

¹²Youngwanpa-a aoyin jat Kahwangne mengnang, mongmeilak. Iye yoi jingne she lepu kahtalan mongmeilak!

¹³Youngwanpawe wangdang mepu leiye tainang, hüyange kahtanyuha khongkümpu ngenang.

¹⁴Kahtok me aoyin nyoinang khongkümpu tangme Iye ümeken me wanglam lamnang, tüomepu Iye leiye tainang.

¹⁵Iman juteih khongkümpu Iye ngaitam nang, hüyange iman-e lingpu khongkümpu shingnang.

¹⁶Ahngpa jawe I jing wongnangpu nyahpong ngohtepuwe okpu ne yeje; I wongnang tepuwe she naomei jawe naopune yeje.

¹⁷Okpu ngelak jingne shapju koiponglan-a jajang japu; iman wong üyonge yinpu ye-ok.

¹⁸Iye yelakpe kenpute aoyinne ütinglak, hüyange aoyinne I ngao jai iman tangme Youngwanpawe yomnang.

¹⁹Iye iman lilak mepu yintam; seanyao yengle hipak me Iye iman yinne ang.

²⁰Toman-e toman monghümpu Youngwanpa me angnang; I-a toman yintampa hüyange tomante jampupa.

²¹I jingne toman mongmei nang; I üjaopa minte toman-e ütinglak nang.

²²Youngwanpa, toman-e toman monghümpu nang me angpu kih-e, nange yelakpe kenpu toman phei ngohkei.