Read Konyak Naga TÜOWELAIHEM 39 Bible Online

TÜOWELAIHEM 39 - Konyak Naga bible

TÜOWELAIHEM 39

¹Taowe i, “Taowe hanghe ling tüome tao kenting lak hüyange taowe ü-yee kaiye ünu omne yetamlak; aope kahta ümenglan owe ngoh taowe hango yengaolak.”

²Ngaokek ja nehoi yengaope tao jünge ngoh, meilakpa jeng jingne nehoi yengao! Hüpoi tao shaoshipuwa shemeng she hei ngai;

³Hüyange taowa shemengpupawe naowe pei. Taowe hangshin me teih, teshinne tao shangne ükong wang; hüwante ü-yi phei taowe ngao;

⁴“Youngwanpa, tao hangshin laowe ngohlak? Tao aope lilak? Üte ipha hangshin shonge ü-üyin üküm ngoilak.”

⁵Nange ü-üyin-a yak kam ja shinnehei lingtam! Nang sheshao me üyin jin-a hangne-o yemengpu yang. Tüoyangpoi kahta üyin lili-a ülüo lihha shinne nehoi yenangpu yüo. Oyaih

⁶Kahta-a yashüm ja shinne hei tai ong nang; Iye linge yahpu khongkümpuwa jajang japu: Iye moth yonang, hüpoi tüowa aowe yahshonlak yeshing.

⁷“Hüma-a hanghe jingne taowe monghümlak, Youngwanpa? Taowe nangme ü-monghümpu angnang.

⁸Ü-ünu khongkümpu mepu tao yinpha, hüyange üngapalan-e üte nyi ne tahtam.

⁹Tao jünge ngohlakei, taowe ngaokek ja nehoi minngao, hangjingne ima-a hükih-e tao shaoshi ne tampuwa nang ngohnang.

¹⁰Shaaji üneye shaoshi tahpha kei: Nang yak me tao pali she ngoh nangki.

¹¹Kahta ja ünute nange teepu kaiye shaoshi pha, hüyange Iye hanghete ken, hoijem ja leye nange mahtam. Tüoyangpoi kahta-a ülüoja hei! Oyaih

¹²“Youngwanpa, taowe yoppu jaipha, hüyange tao üngwünpute jai pha; tao shapyoongpute yejaipe tah lingpha. Ü-pajeiyonglan khongkümpu kih-e taowa hipak üten japu jingne hei nang yinpa ne ngohnang.

¹³Tao taiye mahshao me hüyange yenangpe ngai shao me ü-shaha tüopha, hümme nakshih tao mongmei ütam ngohne oklak.”