Read Konyak Naga TÜOWELAIHEM 46 Bible Online

TÜOWELAIHEM 46 - Konyak Naga bible

TÜOWELAIHEM 46

¹Kahwang-a teman lojing hüyange wong, shaoshi hipak me jamlak jingne jinte tümyange ngohnang.

²Tüokhei kahtoknyu poyapoi, hüyange kahtanglan yengching ülute shüpyapoi teman ye-nyamlak.

³Yengching yengmokh ngaoyapeyoi, hüyange ümeng ngaiye kahtanglan payahpoi ye-nyamlak. Oyaih

⁴Yengyin ja ngohnang hatüowe Kahwang chingnyute, üshei phei ütahpa shejaopupa nokte mongmei yah peinang.

⁵Kahwang-a tüopa chingnyu me, hüyange hatüowa aope-o yemenglak; tüopate jamlak jingne Kahwang shom me peilak.

⁶Jatlan-a mongshih ngainang, ahngchinglan-a powe tamnang; Kahwange khungkhak nang, hüyange kahtok-a eamah nang.

⁷Ütahpa Youngwanpa-a teman phei; Jacob Kahwang-a teman lojing. Oyaih

⁸Peikei hüyange Youngwanpawe hanghe lingyangki leitüoh. Kahtok me Iye hanghe yashan yali lingyangki leihuyah.

⁹Iye kahtoknyu nopute wehok lakke tamnang; Iye wenglah phakke tam, ngoulow phakkewin, hüyange reelan-a vün me jakke tam.

¹⁰“Hokpu laktüoh,” hüyange “Taowa Kahwang she shingyah, jatlan yo me shetahpupa, kahtoknyu tangme shetahpupa,” she Iye inang.

¹¹Ütahpa Youngwanpa-a teman phei; Jacob Kahwang-a teman lojing. Oyaih