Read Konyak Naga TÜOWELAIHEM 48 Bible Online

TÜOWELAIHEM 48 - Konyak Naga bible

TÜOWELAIHEM 48

¹Üyongpa-a Youngwanpa hüyange hatüowa ütahpa me yihlupu phalak yang; I jing üjao kahtang me, teman Kahwang chingnyu me.

²Kahwang kahtang Zion-a, yeonge dao hüyange shemeiyaoma; ahngpa üyong chingnyuwe kahtoknyu khongkümpute mongmei yah peinang.

³Chingnyu mongme Iphei ngohma-a yinne oklak ne ngohnang she Kahwange hüoyangki;

⁴Ahngpalan jamshe shüppe jem hüyange Zion kahtang shümlak jingne pei.

⁵Hüpoi aope iman-e tüopa nge, iman yashan; iman nyam hüyange phette tai.

⁶Tüoken me iman nyampu hei mong a puphei pho, moipai eipe shekolan shangpu shinne shang.

⁷Heongye waishihwangkhah me Tarshish yenglin leihkheihpu shinne.

⁸Kahwange hanghe ling toman-e jaiyangki, hüyange sha-a toman-e ngeteki, Kahwang chingnyu me, Ütahpa Youngwanpa. Iye chingnyuwa jin jintepu jingne yinne anglak. Oyaih

⁹Nang khümjing ümongme, O Kahwang, nange yelakpe kenpu toman-e teih tüonang.

¹⁰Kahtalan-e kenphe me nangte yihlu nang; hüyange nang teehepu kahtoknyu üshei yeme jaalun nang. Nangjing yakjah ye-a khakshupuwe maayange;

¹¹Zion kahtalan mongmei ne tamshih! Nange khakshupu ngaophün pha nang; Judah chingnyulan me mongmei ngohne tamshih!

¹²Kahwang kahtalan, Zion neikonne kemtüoh hüyange daonoklan iye leitüoh.

¹³Jantpenyute kentinge leiyah hüyange ahngnok mongte tokke leitüoh; hümme nakshih nange ünepupa jinte ngaolak.

¹⁴“Hatüo Kahwang-a jin jintepu jingne teman Kahwang; ngoikülak hipak khongkümpu me Iye teman woilak.”