Read Konyak Naga TÜOWELAIHEM 49 Bible Online

TÜOWELAIHEM 49 - Konyak Naga bible

TÜOWELAIHEM 49

¹Moilan-e tüopa jaiyah! Kahtoknyu me ngohpu kahta liliye jaitüoh:

²Üjoi hei üyong, hakpa hei toiha moilanne.

³Ü-juteih-a luwe ngohlak; konjong pheipu ngao phei taowe ngaolak.

⁴Taowe deitahpu ngaote mong phalak, hüyange taowe kongki ümtük wüngjang wünge tüolan khoih ilak.

⁵Aope üte ünulinge shaoshiphapalan ü-neikonlakeih, shanghah shaoshi hipak me tao hangne nyamlak?

⁶Ümeng kahtalan aoyinne iman moth te mongpha, hüyange iman toinyu nanha jingne ota.

⁷Kahta jawe yoi nying nyingke aope-o üyin yeshak oklak; I üyin jingne Kahwangte Iye ümee phapu ye-oklak;

⁸hangjingne ima-a kahta üyin ja jingne phalak ümee-a loishe yong nang. Hanghepa Iye phaya peih, tüowe aope-o yewanglak;

⁹Mangjong mepu tükke anglak, I jinte üyin me ngohne tamlak-o ye-oklak.

¹⁰Konheingao pheipu kahtalan-o linang she hüke muh üngapa hei woopalan-o linang she khongkümpuwe ngenang. Iman khongkümpuwe imanjing moth huhayimlan jingne tüohnang.

¹¹Hipak ja me iman-e yoi yoijing kahtok ngohyapeyoi iman mangjonga jin jintepu jingne iman nokne meng; tüoken me iman hipak khongkümpu nyoinang.

¹²Kahta ja yongelüopu khei she lilak mepu yinne ye-ok; I-o yinmok ja leye muh lilak.

¹³Aoyinne yoite mong nyengyange ngoh imante hanghe ngainang teihu yah; aoyinne yoi mothte monghüm tüolan juteih-a hülan. Oyaih

¹⁴Nyeeha kih-e iman-a mangjong jingne nyingtampulan; hüyange lipuwe imante uhyinglak. Khakshupulan-e iman tangme napning wanglam lamlak; iman shohan-a mangjong me seanamlak, tungnoong pheipu iman nok mepu jai taiye ngohlak.

¹⁵Hüpoi Kahwange tao yinlak; Iye tao lipu wong mepu yintamlak. Oyaih

¹⁶Aope kahta ja hakpa ne menglakei, mokhke tahteih, aope I jing moth sheyong sheyong she jaalunlakei:

¹⁷hangjingne aope I lilakei, I phei yah yetailak; I jing moth-a I phei jamme mangjongte ye-onglak.

¹⁸Kahta jawe I üyinte monghah teih yapoi, hüyange Iye okkeshangpu jingne yihluyapoi,

¹⁹lipu me I sheshao me taipu pajeiyonglan phei muh omlak, ümeken me wangnyakke jin jintepu jingne üküm ngoinang.

²⁰Kahta ja yongelüopu khei she lilak mepu yinne ye-ok; I-o yinmok ja leye muh lilak.