Read Konyak Naga TÜOWELAIHEM 5 Bible Online

TÜOWELAIHEM 5 - Konyak Naga bible

TÜOWELAIHEM 5

¹O Youngwanpa, ü-ngaolante jaipha, hüyange ümong shangpute leipha.

²Ü-Kahwang hüyange ü-ahngpa! Jamlak jingne taowe üngwünpute jai pha. Taowe nangte yopnang, O Youngwanpa.

³Napning nange ü-ngaowüng jainang O Youngwanpa; wanghe ngaipu phei jam-e taowe ü-yoppe khümpu pei, hüyange nange jankülak te tan.

⁴Nanga ümengpa me monghahpu Kahwang ja ne yeje. Nange ümenglan-a ao-o nang shongme peine yetam.

⁵Otamaohepu kahtalan jingne nang aope-o yeyong; nange ümeng kahta lilite nu nang.

⁶Nange ngaoleih ipu khongküm mah tamnang, hüyange yakphei lükpu, lowelampu kahtalante nunang,

⁷Hüpoi nange jamloi kenpu jingne, tao nenokte peipu oklak; nang üjaopa khümjing me taowe yoppe khümpu oklak, hüyange nangte nyamleye ümme khümlak.

⁸Youngwanpa, Ü-wepalan jamloi ngohnang! Ü-jingne nange hangke mong linge tampha; tao woipu oklak ne nang lamnyu tingkhakke lingtam pha.

⁹Ü-wepalan-e hanghe inang tüome ütinglaklak yenang; iman-e mahtamlak hei leng nang. Iman üngsa-a epyange ngohpu mangjong; iman jing yee phei lolampu ngao ngaonang

¹⁰O Kahwang, iman wintamtüoh hüyange shaoshi tamtüoh; Nang sheshao mepu iman jang teitüoh, hangjingne ima-a iman ünu loipu hüyange iman-e nang phei tüi-e hokkewepu jingne!

¹¹Hüpoi aoyin nangme yintampu tüonang, khongkümpu mongmeilak; iman-e jinte mongongpuwe hem loklak. Aoyinne nangte kennang tüolan wengtuh mepu jongwantüoh; nang ngohpu jing ne iman ütingme mongmei nang.

¹²Aoyinne nang ngao jainang, tüolante nange moiman nang, Youngwanpa; nange kenpuwe, ree kih-e ümengpa mepu iman jongwan nang.