Read Konyak Naga TÜOWELAIHEM 53 Bible Online

TÜOWELAIHEM 53 - Konyak Naga bible

TÜOWELAIHEM 53

¹Üngapalan-e iman nying nyingke inang, “Kahwang yenang ja.” Iman khongküm ümeng, hüyange iman-e nyam nyam shepu toi ling, ümei lingpalan ja nehoi yenang.

²Kahwange kahtanyuha te deitahpu ütam ngohyashi, Ite yoppe khümpu ütam ngohya shi she leilak jingne wangdang mepu leitai nang.

³Hüpoi iman khongküm lüppe taiküm, iman khongküm ja kih-e yemei. Hanghe ütingpa iman yo me she ja nehoi yeling, ja nehoi yeling.

⁴Kahwange tongnang, “Iman-e yeshing a? Ümeng lingpa hatüolan-a üpong yetüopu ne hei? Iman-e ü-kahtalan kuh yahyange nyoinang, hüyange iman-e aope-o üte yeyop.”

⁵Tüoyangpoi iman nyam mokh lak, üshongpe iman hüke jeman ngoh; hangjingne ima-a yoijing kahtalan tepu wepalan jing waan Kahwange te-shai tamlak. Kahwange iman yeyahpe win, hüyange iman-a lanshe wüotüone tamlak.

⁶Israel te okpupa-a Zion mepu peilak jingne taowe hangke yop. Aope Kahwange imante nishe jaalun-e tamlakei Jacob mongonglak, Israel kahtalan mongmeilak!