Read Konyak Naga TÜOWELAIHEM 57 Bible Online

TÜOWELAIHEM 57 - Konyak Naga bible

TÜOWELAIHEM 57

¹Üte shüpshe pha, O Kahwang, üte shüpshe pha, hangjingne ima-a yinlak jingne tao nang tangte peinang. Waishihwangkhah leipu linne mantai mantai nang yangphang me tao jongwanning.

²Taowe Ütahpa Kahwangte nyiknang, Kahwangpate aowe ü-wongpong khongkümpu phanang.

³Iye wangdang mepu janlak hüyange tao yintamlak; üte yemeipe lingpalante Iye naotamlak. Oyaih Kahwange Iye yelakpe kenpu hüyange ütinglakpu üte hüolak.

⁴Kahta hahpu yengkong mailang kihpu wepalan-e taowa neikonyange ngoh nang, Iman fa-a ngoulow hüyange lahhan kih-e; iman jing yi-a ünah pheipu yanglow kih-e ngohnang.

⁵Nang kheyongpu wangyete hongtam tüoh, O Kahwang; hüyange nang müktishiwapu kahtoknyu nopu tangme hüotamtüoh.

⁶Ü-wepalan-e ü-ya jingne shan shüpteki; taowa ümengpawe naoteki. Iman-e ü-lamnyu me jhom shao, hüpoi tüopa me iman nying nyingke yei. (yüt) Oyaih

⁷Taowe lanshe monghahpu ngohnang, O Kahwang; taowe hem loklak hüyange nangte yihlulak!

⁸Lüotüoh ü-yaha! Lüotüoh, ü-kongki ümtük hüyange kongki lahha! Tao wanghe phei lüolak.

⁹Jatlan yome taowe nangte minyong phalak, O Youngwanpa. Kahtalan yo me taowe nangte yihlulak.

¹⁰Hangjingne Nange yelakpe kenpuwe wangdanglan yüonang; nang ngaotingpawe wangte leatnang.

¹¹Nang kheyongpu wangme hüotüoh, O Kahwang; hüyange nang müktishiwa kahtoknyu nopute hüotüoh.