Read Konyak Naga TÜOWELAIHEM 60 Bible Online

TÜOWELAIHEM 60 - Konyak Naga bible

TÜOWELAIHEM 60

¹O Kahwang, nange toman yeyahpe wintam, hüyange toman naone tam; nang tomante mongshih ngaiyangki, hüpoi sha-a toman yete lüppe yekei.

²Nange kahtok ninne tam, hüyange nange ngaiphaih-e hitte tam; sha-a hatüo mako phünge tampha, hangjingne hatüo shaaji toitaküki.

³Nange nang kahtalan yeonge shangne tamyangki; toman-a yuwe jokyangpu kih-e neikonne toman pala.

⁴Hüpoi iman yeitampu mepu yinlak jingne, aoyinne nangte nyam tüolante nange khüokam pha. Oyaih

⁵Nang wongnangpuwe toman yintampha; toman-e yoppute janpha, hümme nakshih nange kenpu kahtalan-a yin oklak.

⁶Kahwange yoi üjaopa nyoi mepu ngao nang: “Okpu phei taowe Shekhem khüwtamlak, hüyange Succoth kahjee ü-kahtalante tamme phalak.

⁷Gilead üjing, hüyange Manasseh-o üjing; Ephraim-a ü-yan shaoshaoh, hüyange Judah-a ü-ahngpa shengshaoh.

⁸Taowe Moab-a yengjonlak yankhong ne jonlak hüyange taowe Edom tangme hatüo taowe omyangki she hüowe ü-yashom shüppetamlak. Philistialan tangme taowe okpupa üngwünlak.”

⁹O Kahwang, aowe tao chingtuk pepeyangpu chingnyute intam lak? Aowe tao Edomte woilak?

¹⁰Nange ütingme toman yeyah pu a, O Kahwang? Nanga toman nyahponglan phei jamme yayonglak üje a, O Kahwang?

¹¹Wepalan phei tüi-e tomante jampha; kahtalan-e jampuwa ühak yekoh.

¹²Teman yekao me Kahwang ngohyange toman-e oklak; Iye toman wepalan naotamlak.