Read Konyak Naga TÜOWELAIHEM 64 Bible Online

TÜOWELAIHEM 64 - Konyak Naga bible

TÜOWELAIHEM 64

¹Taowa shangpu me ngohyangki, O Kahwang, taowe yoppute jaipha! Taowa ü-wepalante nyam nangki ü-üyin yinpha!

²Ümenglan-e konkonpu mepu hüyange ümeng kahtalan ükhong mepu tao tükyah.

³Iman-e yanglow kih-e iman yee ponang hüyange lahhan kih-e ngaomeng ngaone leinang.

⁴Iman-e yewüopu ngaoleih yanlak jingne mamnang; iman-e kahta ümeilan lüppe lowe nyamne tamme mengtam nang.

⁵Iman-e jawe jate ümeng konkonlak jingne tei hengnang! Ümeken me teman-e tün tünlak she, iman-e tümnang. “Aowe-o teman ye-ngelak,” she iman-e inang.

⁶Iman-e ümengpa tümnang hüyange inang, “Toman-e ümengpa lam wangngoiye tümteki,” Kahta mongjang hüyange kenmonga yashanlak pa!

⁷Hüpoi Kahwange imante I jing lahhan kepnang, hüyange mokhshe iman mayah.

⁸Tüolan ngao jingne Iye iman mengtamlak; aoyinne iman nge khongkümpuwe iman ngüm shenglak.

⁹Iman khongkümpu nyamlak; Kahwange hanghe ling iman-e teih nyüolak hüyange I toishaolan jeng ilak.

¹⁰Hanghepa Youngwanpawe lingyangki, tüopa jingne khakshupu kahtalan khongküm mongmei lak. Iman-e I me yintampu ngelak; kahta ümei khongkümpuwe Ite yihlulak.