Read Konyak Naga TÜOWELAIHEM 66 Bible Online

TÜOWELAIHEM 66 - Konyak Naga bible

TÜOWELAIHEM 66

¹Kahtok üshei-e Kahwangpate mongmei üngwünpu phei yihlutüoh!

²Ite müktishiwa minyong hem loktüoh; Ite müktishiwapu phei yihlupu phatüoh!

³Kahwangte itüoh, “Nange lingpu toishaolan-a hangshin yashanlakpa! Nang wonga teshinne yong, tüokaiye nang wepalan-a nyampu phei nang sheshao me ümme khüm nang.

⁴Kahtok me ngohpu üsheiye nangte khüm nang; iman-e nangte yihlupu hem loknang, iman-e nang min me yihlu hem loknang.” Oyaih

⁵Peikei hüyange I yashanyalipu toishaolan kahtalan yo me Kahwange hanghe ling leitüoh.

⁶Iye yengchinga kahtok üwanne linge tam; tomanjing pajeiyonglan-e yengyin-a ya phei kai. Iye hanghe ling tüopa jingne iman hoongli mongongpu ngohyangki.

⁷I wongnangpuwe Iye jin jinte wanglam lam hüyange Iye mük-a jatlan tangme ang. I phei tüi-e ümeng lingpalan tah ngaitam. Oyaih

⁸Jatlan üsheiye toman Kahwang yihlutüoh; numan-e yihlupu jaine tamtüoh.

⁹Iye teman üyin angtamnang hüyange teman yeilak mepu Iye tük ang.

¹⁰Kahwang, nange tomante tokyangki; vün kaiye khümte tokke leipu kih-e, hüke nange tomante tokke leiyangki.

¹¹Nange toman tün me peine tam hüyange toman tokme hangki yih ki ne tam.

¹²Nange toman wepalante toman tangme yalokne tam; toman vün hei muleampu kaiye tai, hüpoi sha-a nange toman-a yinlak kente yah peiteki.

¹³Taowe nang nokte jakke dopu yah peilak; taowe hanghe janyangki taowe nangte phalak.

¹⁴Aope tao shangpu phei ngoh taowe hanghe taowe linglak jingne ngao, taowe nangte phalak.

¹⁵Wümjong me jaklak jingne taowe nyee phalak; taowe mahu üpong hei younponglan toidolak, hüyange vünkhuh-a wangte inlak. Oyaih

¹⁶Aoyinne Kahwangte yihnoon, üshei peikei hüyange jaiyah, hüyange Iye üte hanghe ling taowe numante iphaning.

¹⁷Jamlak jingne taowe Ite üngwün; hüyange taowe ü-yi phei yihlupu pha.

¹⁸Taowe ü-ünu jingne hangke-o yeteihpe tüohshihma-a, Youngwanpawe üte yejai hah shepu.

¹⁹Hüpoi tüone jeyapoi Kahwange üte jai; Iye taowe yoppute jaiyangki.

²⁰Taowe Kahwangte yihlupu phanang, hangjingne ima-a Iye taowe yoppu yelantam yejema-a Iye yelakpe kenpu ü-mepu tükke ye-ang.