Read Konyak Naga TÜOWELAIHEM 7 Bible Online

TÜOWELAIHEM 7 - Konyak Naga bible

TÜOWELAIHEM 7

¹O Youngwanpa, ü Kahwang, tao nang tangte lolak jingne peinang; tao yinpha hüyange aoyinne üte jangnang, üshei mepu tao yinpha;

²Hüke yelingma-a, yengkong mailange shükpu kih-e iman-e taowa nowe teilak, hüyange iman-e tüoken me taowa phünne khoih phalak.

³O Youngwanpa, ü-Kahwang, taowe ütam jate püohpinyange ngohma-a, taowe lowelam yange ngohpu ne mengma-a,

⁴Yejema-a ütamjawe üte yemeipe lingpupa te shüpshe yehüotampe ngohma-a, tüolan kihpu ütamja nehoi taowe lingyange ngohma-a;

⁵hüma-a ü-wepalan-e üte jangne tamtüoh hüyange tao pho ne tamtüoh! iman-e üte mette taine tamtüoh hüyange tao toine tamtüoh; üyin yenangpe kahtok me tüohtüoh! Oyaih

⁶O Youngwanpa nang mongshih ngaipu phei yayong tüoh! Menge winne ngaipu ü-wepalan phei tüi-e yongtüoh; nang nying nyingke yongtüoh hüyange üte jampha! Nange yampuwa ütingpa ngao phünpu ngohnang;

⁷tüokhei kahta lili nang neikonne jemne tamtüoh, hüyange ütang mepu iman tangme wanglam lamtüoh.

⁸Youngwanpawe kahtalante ngaophün phashih; Tao khakshuwe ngohpu kih-e üte ngaophün pha, O Youngwanpa, hüyange üme khakwangngoipu kih-e O Ütahpa.

⁹O ümenglan yemeipu-a, üküm ngoiye peine tamtüoh; hüpoi khakshupulan-a wong nangne tamtüoh. Nang aowe kenmong hüyange mongjang toknang, O khakshupupa Kahwang.

¹⁰Kahwang-a ü-jongwanpa; aoyinne I ngao jainang tüolan-a Iye yinnang.

¹¹Kahwang-a khakshuwe pongtehpa hüyange ümenglan-a nyih jeih yeitam nang.

¹²Iman mong yelüpma-a, Kahwange yoi yanglow yeelak. Iye yoi wenglah pateki, hüyange tüopa tümteki.

¹³Iye nyamnyam shepu yoi yonglah yahteki, hüyange vün pheipu I jing lahhanlan tingteki.

¹⁴Leihuyah ümeng kahtalan-e hangke yemeipupa teih; iman-e shaoshilak tüm hüyange lowelampu toi ling.

¹⁵Iman-e shaowe jhomsa linge ngai, hüyange iman-e linge ngaipu jhomsa me yüt

¹⁶Tüokhei iman-a yoi ünuwe iman nying nyingke shaoshi hüyange iman yoi yak phei lükke yoi nying nyingke mayah.

¹⁷Taowe Youngwanpate I ütingpa ngaophünpu jingne minyong nang. taowe Ütahpa Youngwanpate yihluwe hem loknang.