Read Konyak Naga TÜOWELAIHEM 75 Bible Online

TÜOWELAIHEM 75 - Konyak Naga bible

TÜOWELAIHEM 75

¹Toman-e nangte minyong phanang, O Kahwang; toman-e nangte minyong phanang! Nang hangshin yongpu kahtalan-e pongetam nang hüyange nange lingpu yashanyalipu toishaolan ngaowe tamnang.

²Kahphünlak jingne taowe hipak ityangki she nange i, hüyange taowe khakwange phünlak.

³Yinmoknyuha ninne poyapoi hüyange kahtoknyu yoi nying nyingke poyapoi, taowe tüopa yafün monge anglak. Oyaih

⁴Otapalan te, “Otamaoheye tahjon she, hüyange ümenglante numan üwong no tah in she;

⁵numan üwong ütangyete no in-e yejema-a ngüm nganyange ngao tahngao,” she taowe ngao.

⁶Kahphünlaka heong yemepu yejema-a henyip yemepu, apyekao mepu yejema-a heyekao mepu peipu ne yeje;

⁷hüpoi hatüowa Kahwang aowe ütam yeine tam hüyange ütam nowe yah-e ngaophün nang.

⁸Youngwanpawe I yak me wan jonnang, I mongshih ngaipu wongnangpu wuwüngtiye maayange jonnang. Iye tüopa shokke tam, hüyange ümenglan khongkümpuwe tüopa ying; iman-e tüopa-a shongkülong kümne tamme ying.

⁹Hüpoi taowe Jacob Kahwang jeng ngaopu aope-o yelaklak, yejema-a Ite yihluwe lokpu yelaklak.

¹⁰Ümenglan jing üwong khongkümpu Iye menge khüwtamlak, hüpoi khakshupulan üwonga shedaoshe nowe intamlak.