Read Konyak Naga TÜOWELAIHEM 76 Bible Online

TÜOWELAIHEM 76 - Konyak Naga bible

TÜOWELAIHEM 76

¹Judah me Kahwang-a shingnang, Israel me I min-a yihnoon nang.

²Iye yoi noksa Salem me ngohnang, I Zion kahtang me ngohnang,

³Tüoken me Iye wepalan lahhan, imanjing ree hei yanglowlan; khongkümpu menge winnang. Oyaih

⁴Kahtang üyong phei-o nang müktishiwa hüyange yashan yali wangngai shenyei!

⁵Mongyongpu naomeilan iman me nangpu khongküm shümteki hüyange sha-a lipu kih-e shinang; ükhong yo mepu ao-o yak ja nehoi no ne ye-ok.

⁶Nange teetamwante O Jacob Kahwang, iman jing koiponglan hüyange tüome ongpalan jam-e liteki.

⁷Hüpoi nangte, Youngwanpa, khongkümpuwe nyamnang. Aope nang mongshihlakei nang shongme ao-o üyong ok.

⁸Nange wangdang me ngohyange ngaophün; kahtoknyuwa nyam hüyange jünge ngoh;

⁹aope nang, O Kahwang, ngaophün phalak jingne kahtok me shaoshiye ngohpalan khongküm yinlak jingne mongeyong. Oyaih

¹⁰Kahtalan mongshih puwe-a nangte yihlupu hei ünyei ngaitam; aoyin wehok me yinyangki tüolan-e nang minyongpu mo-a anglak.

¹¹Hanghe nange Ite janyangki nang Kahwang Youngwanpate phatüoh; ü-o me ngohpu numan jatlan khongküm, Ite hünghao yahpei tüoh. Kahwange kahtalan-e Ite nyamlak jingne linge tamnang;

¹²otapu ahnghalan Iye innenyaine tamnang, hüyange kahtoknyu ahngyonglan nyamne tamnang.