Read Konyak Naga TÜOWELAIHEM 77 Bible Online

TÜOWELAIHEM 77 - Konyak Naga bible

TÜOWELAIHEM 77

¹Taowe Kahwangte wünne üngwün; taowe wünne üngwün, hüyange Iye üte jai.

²Shaoshi hipak me taowe Youngwanpate yop; wangnyak phapan taowe yoppe ü-yak hong, hüpoi taowe toloimeipu yetüo.

³Aope taowe Kahwang jeng teih, taowe lüoshümhe aope taowe luwe teihyapeih, tao mong yehahpu peitam. Oyaih

⁴Nange tao phapan yangne tam; tao loishe mongshangpuwe hango yengao ok.

⁵Lintepu nyih hipak taowe teih hüyange üshongwante lintepu wangpenglan teihtüo.

⁶Juteih ülu teihpu phei taowe nyak lin; taowe luwe teih, hüyange taowe ü-nying nyingke hatüo tong:

⁷“Youngwanpawe jintepu jingne winlak a? Iye nishe teman phei yemeilak a?

⁸Iye jintepu jingne kenpuwa lakpu a? Iye janyangpu shaaji yengoh lak a?

⁹Kahwange shüpshe teihlaka pemahpu a? Iye yayeng shüpsheye teihpuwa mongshih ngaipuwe mahtampu a?” Oyaih

¹⁰Hüwante taowe i, “Hangheye üte ünyei ne mayah tampu ngai hatüowa tüone ngoh- Ütahpa yakjah ye-a jeileipu yang.”

¹¹Nange lingyangpu toinyu jeng taowe teihtüolak, Youngwanpa! Lintepu hipak me nange lingpu yashanyali taowe teih tüolak.

¹²Nange lingyangpu khongkümpu jeng taowe teihlak; nange lingyangpu wongnangpu toishaolan taowe luwe teihlak.

¹³Nange lingpu lili-a, üjao shaha, O Kahwang. Nang kih-e yongpu Kahwang ao-o yenang.

¹⁴Yashanyali toi lingpu Kahwang-a nang; nange jatlan yo me nang wong hüoyangki;

¹⁵Nang ünganwonge nange nang kahtalan, Jacob hüyange Joseph huhayimlan yinyangki. Oyaih

¹⁶Aope yengchinglan-e nang nge, O Kahwang, yengching iman nyam, hüyange shelupupa yengching ninyangki.

¹⁷Wangphom-e wai shokke tam; wang mepu wang lüppe tam, hüyange ünuk phe me wangyu. Nang lah han üken phe me yan.

¹⁸Nang wangkhongpuwe khongkümpu aiye yah, hüyange wanglüppuwe kahtoknyu wangngai tee; kahtoknyu nin hüyange mokh.

¹⁹Nangjing tailam-a yengching kaiye, nange yengching ülu linne tai, hüpoi nang ya-mee-a ye-nge ok;

²⁰Mosa hei Aaron ni yakjongpu phang me, nange nang kahtalan nyeeyompa kih-e woi.