Read Konyak Naga TÜOWELAIHEM 79 Bible Online

TÜOWELAIHEM 79 - Konyak Naga bible

TÜOWELAIHEM 79

¹O Kahwang, jatlan-e nang kahtok omteki. Nang üjao khümjing iman-e nuteki, hüyange iman-e Jerusalem menge tüohteki.

²Pongkonlan hahyinglak jingne iman-e nang kahtalan mang tüoteki; nang shaoshanpalan püm phao yinmok-e hahlak jingne angteki.

³Iman-e nang kahtalan iy-a yengkih-e shaiteki; Jerusalem khongkümpu me iy-a yeng kih-e yünteki, hüyange mang mulak jingne sheja nehoi yetüoh.

⁴Neikonpu jatlan-e tomante teetamnang; iman-e tomante nyitam nang hüyange tomante phoitam nang.

⁵Youngwanpa, nange toman phei mongshih ngaipu-a hangshin laowe ngohlak? Nang mongshih ngaipuwa vün kih-e loonge yelakpe ngohlak a?

⁶Nang mongshih ngaipuwa nangte yoppe khümpu yeyahpu jatlan tangte lüptüoh, kahta aoyinne nangte yeyop tüolan tangte!

⁷Hangjingne iman-e Jacob lünge taiteki; iman-e nang kahtok mengetam teki.

⁸Tomanjing pajeiyonglan ünu jingne tomante shangne tahtam pha. Sha-a toman tangme shüpshe angpha; toman me monghümpu khongküm mahteki.

⁹Tomante jampha, O Kahwang, hüyange toman yinpha; nang müktishiwa wangshüm phang me toman yinpha, hüyange nang min me toman ünu winpha.

¹⁰Hangne jatlan-e tomante, “Numan Kahwang ümeken me ngoh nangki?” she tongne tamlak? Nang shaoshanpalan iy shaiyangpu jingne jatlante nange shangne tampute toman mük-e leihah.

¹¹Phowe ngohpalan-e wao eapute jaipha, hüyange aoyin lilak jingne tümyangki tüolan-a nang wong üyong kaiye lantam pha.

¹²O Youngwanpa, nangte yaoweleye teetam yangpu khongkümpu jingne, ülao jatlante ün nyit phei nehoi nyeiye leih pha shih.

¹³Hüwante toman, nang kahtalan, nange yomjing me ngohpu nyeelan-e jinjintepu jingne nangte minyonglak, hüyange ngoikülak hipak khongkümpu jingne nangte yihlulak.