Read Konyak Naga TÜOWELAIHEM 8 Bible Online

TÜOWELAIHEM 8 - Konyak Naga bible

TÜOWELAIHEM 8

¹O Youngwanpa, toman Nokpu; Nang kheyongpu kahtoknyu üshei yeme hangke ngenang! Nangte minyong ngampaipu wang ütangpa yüowe nange angnang.

²Hashih nahalan ju mepu lokke tamnang. Nang wepalan üshei mepu nanga yinne hüyange yepok yenope ngohnang; aowe nang phei tüi-e yonglakei nange tükke yenang.

³Aope taowe wangyete leiyapeih, hanghepa nange lingengai; linnyu hei shanhalan, hanghepa nange iman yoi yoi nyoi me shotne tam;

⁴I jingne teihlak ne, kahta-a hanghe! Kahta lihha, I jingne nange paowe tüklak ne hanghe?

⁵Tüoyangpoi wangdangpa phei hei üjingha üjoipa ne nange I linge ngai; nange Ite müktishiwa hüyange minyong ngampaipu phei shaoh-e tam.

⁶Nange linge ngaipu üshei tangme wanglam lampa ne nange I letam; linge ngaipu üshei nange I yaphang me angetam;

⁷Nyee hei mahu, hüyange phao yinmoklan khongkümpu;

⁸Pupu awhalan hei nyahlan hüyange yengching me wo kempu mok-halan.

⁹O Youngwanpa, toman Nokpu nang kheyongpuwa hangke kahtoknyu üshei ye me ngenang!