Read Konyak Naga TÜOWELAIHEM 82 Bible Online

TÜOWELAIHEM 82 - Konyak Naga bible

TÜOWELAIHEM 82

¹Kahwange wangdang ngengtüp jempu woinang; kahwanglan bangjem me Iye yoi ngaophünpu phanang;

²Hangshin me numan-e ngaoting ye-i-pe ngaophünlak, hüyange ümenglante shetaleipu hüolak? Oyaih

³Toinanpalan hüyange khah-halante ütingpa me linglak yang; wongpongne mengpalante hüyange hang yafün-o yenangpalante meiye jonlak yang.

⁴Wong yenangpu hüyange toinanpalan yintamtüoh; ümenglan yak mepu iman yintamtüoh.

⁵Iman-e shingpu hüyange shingyahpu hango yenang. Wangnyak me iman lingleinang: Kahtoknyu nokjing khongküm shuinang.

⁶Taowe iyangki, “Numan-a kahwanglan; numan khongküm üshei phei Ütahpa hayim.

⁷Hüpoi numan kahta kih-e lilak; numan üyin-a tüolan ahnghalan kih-e üküm ngoilak.”

⁸Yayongtüoh, O Kahwang, hüyange kahtoknyute wanglam lamtüoh; jatlan khongkümpuwa nang jing.