Read Konyak Naga TÜOWELAIHEM 83 Bible Online

TÜOWELAIHEM 83 - Konyak Naga bible

TÜOWELAIHEM 83

¹O Kahwang, ngao yengaipe tahngoh, nang chingmei tükke tah ang yejema-a jünge tahngoh, O Kahwang!

²Leihuyah, nang wepalan-e mopngai nang, hüyange aoyinne nangte nu tüolan-e üngngan-e yongnang.

³Iman-e nang kahtalan phei tüi-e lowe tümnang; iman-e aoyin nange jongwanne angyapeih tüolan phei tüi-e konkon nang.

⁴Iman-e inang, “Peikei, teman-e iman jat mahtamhah, tüome nakshih Israel-a jin jintepu jingne yeteih tüolak!”

⁵Iman-e tümyangpute mongja ne teimonge yahnang, hüyange nang phei tüi-e yonglak jingne teishinteki.

⁶Edom kahtalan hüyange Ishmaellan; Moab kahtalan hüyange Hagrilan;

⁷Gebal, Ammon, hüyange Amalek kahtalan, hüyange Philistia hei Tyre.

⁸Assyria-o iman phei omteki; iman-a Lot hayim wongnangpu yak. Oyaih

⁹Nange hangke Midialante, hüyange Sisera hei Jabinlante Kishon yengyin me ling hüke lingtam tüoh.

¹⁰Nange iman Endor me naotam, hüyange iman mang kahtok me phwnge tüoh.

¹¹Oreb hei Zeeb te nange hangke ling hüke iman woipalante lingtam tüoh; Nange Zebah hei Zalmunna-a okke tampu kih-e iman wanglam lampalan khongküm naotam tüoh;

¹²aoyinne hüke i, “Kahwang jingne ngohpu kahtok-a teman-e teman jingne yahlak.”

¹³Kahmak kih-e iman yantamtüoh, O Kahwang; wangyange puweteipu tahphan kih-e yantamtüoh.

¹⁴Vünne phao hahpu kih-e, vünloonge kahtangte vün pah tampu kih-e,

¹⁵nang waishih wangkhah-e imante jangtüoh, hüyange nyam nyamshepu nang yüpnyeih-e iman mokh ne tamtüoh.

¹⁶Iman sheta me wüokhüwne tamtüoh, O Youngwanpa, hüyange imante nang yamne tamtüoh.

¹⁷Iman naone hüyange jintepu jingne mokhne tamtüoh; iman lanshe nüngneine tam-e li ne tamtüoh.

¹⁸Nang jashing Youngwanpa she, kahtoknyu nopute ütahpa wanglam lampa she imante shingne tamtüoh.