Read Konyak Naga TÜOWELAIHEM 85 Bible Online

TÜOWELAIHEM 85 - Konyak Naga bible

TÜOWELAIHEM 85

¹Youngwanpa, nangjing kahmükte nange shüpshe yangki; nange Jacobte nishe jaalunne tamyangki.

²Nange nang kahtalan jing ünu winyangki hüyange iman-e püohpu üsheite ümeng winyangki. Oyaih

³Iman phei nang mongshih ngaipu mepu nange lak hüyange nang mongshih ngaipu üyong mepu tükke lak.

⁴Toman leih yenetam pha, O Kahwang toman yinyepa, hüyange toman phei mong yemeipe teihpu mepu laktüoh!

⁵Nanga toman phei jintepu jingne mongshih ngailak a? Nang mongshih ngaipuwa jin khongküm yelaklak a?

⁶Nang kahtalan-e nangte hoongli mongonglakne, Nange üne-o toman nishe monglüpne yetamlak a?

⁷Nange yelakpe kenpu tomante hüopha, O Youngwanpa, hüyange nange yintampu tomante yahkei.

⁸Youngwanpa Kahwange hanghe inang, taowe jaining; temanhi teman ngawoopu lamte leih yeyema-a, Iye yoijing kahta, temante chingmei jan nang.

⁹Ütingme aoyinne Ite yihnoon nang tüolan yinlak jingne I tümyange ngoh nang; hüyange Iye yintampuwa teman kahmük me ngohlak.

¹⁰Kenpu hei ütinglakpu ni hüolak; khakshupu hei chingmei ni om teihüplak.

¹¹Üting teilakpu kahtok mepu ngailak, hüyange Kahwang khakshupuwe wangdang mepu leitailak.

¹²Youngwanpawe teman jaalunne moimanlak, hüyange teman kahmük-e ülick üngang ngaitamlak.

¹³I khakshupupa sheshao me tailak hüyange I yafün jingne lam tümlak.