Read Konyak Naga TÜOWELAIHEM 90 Bible Online

TÜOWELAIHEM 90 - Konyak Naga bible

TÜOWELAIHEM 90

¹Youngwanpa, nanga jin üshei me toman ngohjing nokne menge peiyangki.

²Nange kahtanglan lingshao me yejema-a kahtoknyu linge ngaishao me, nanga üküm yenangpu Kahwangne ngoh, hüyange jin jinte Kahwangne muh ngohlak.

³Nange kahtate I hangke ngoh hüke muh leih yelak jingne inang: nange I-a tüpla ne menge tamnang.

⁴Nang shong me wangpeng haja-a nyih ja kih; tüolan-a ütenjapu wangnyak kih-e, linne taitepu menyih kih-e.

⁵Nange kahtalan-a muleampu kih-e yah teinang; iman-a shinmang ja leye ngohnang, napning me yange ngaipu hüng kih-e;

⁶napning jonge ngaiyange pengnang, tüophei me kuitayange ünpong me limah nang.

⁷Nang mongshih ngaipuwe toman-a mahtam nang; nyam nyam shepu nang mongshih puwe toman nyamne tamnang.

⁸Nange nang sheshao me toman ünu ang, lowe ngohpu toman ünulan-a nange ngenang.

⁹Hangjingne nang mongshih ngaipu me toman jin khongküm lin tainang; ülao ngaipu kih-e toman jin toman-e teikümnang.

¹⁰Toman ngoh okpu ne-a wangpeng denyit shingha, toman wongnang pune-a wangpeng detet ngohne ok; tüoyangpoi tomante iman peitampuwa shaoshi hüyange mongmeng; üyin mamshe linne tainang, hüyange toman-a shaaji yenang.

¹¹Nang mongshih ngaipu wong lanshe aowe shing? Nang ümengpa me mongshih puwe hanghe nyampu yahpeilak aowe shinglak?

¹²Toman üyin hangshin shoh tomante nyüopha, hümme nakshih toman kentamong tinglak.

¹³Nang mongshih ngaipu hangshin laowe ngohlak? Nang shaoshanpalante yayeng pha, O Youngwanpa!

¹⁴Napjeih she tomante nange yelakpe kenpuwe maatampha, hümme nakshih toman-e loklak hüyange toman üyin khongkümpu mongmeilak.

¹⁵Sha-a toman shangpong yangpu wangpenglan me nange tomante phayangpu mongmeng nyih shinne tomante mongmei yahkei.

¹⁶Nang shaoshanpalan-e, nange lingpu toinyu; toman huhayimlan-e nang müktishiwa wong ngene tampha.

¹⁷Youngwanpa toman Kahwang, nange moimanpu toman tangme ngohtam pha. Toman-e lingeyahpu khongkümpu me okpu yahkei.