Read Konyak Naga TÜOWELAIHEM 91 Bible Online

TÜOWELAIHEM 91 - Konyak Naga bible

TÜOWELAIHEM 91

¹Yinlak jingne numan aoyin Youngwanpa tangte pei, Ütahpawe jongwanpu phangme aoyin ngohnang,

²Ite ipu oklak, “Nanga ü-Kahwang hüyange ü-lojing; nang me tao ütinglak nang.”

³Hangjingne Iye nanga lowe ngohpu ütuh üshei mepu hüyange lilakpa dak ümeng mepu yinne angphalak.

⁴I yangtenge nangte küppe anglak, Iye paowe tükpu phangme nanga yinne ngohlak; I ütingpawe nanga shaoyinne hüyange jongwanne anglak.

⁵Wangnyak me ütuh hanghe te-o ye-nyamlak yejema-a nyihning me mokhshe shümpu lah han te ye-nyamlak,

⁶yejema-a wangnyak me peipu leamdak yejema-a wangngai ko me toitampu ünulante nang nyamlak wongpongne yeje.

⁷Nang phin me hajaja, nang neikonne haja pen toitawe li ne ok, hüpoi nangte-a hangko yesheilak.

⁸Ümenglante hangke shaoshi yatengpu pha, nange leilak hüyange ngelak.

⁹Hangjingne nange Youngwanpa-a nang shaoyinpa ne, Ütahpa-a nang lojingne nange ling;

¹⁰tüokhei ümengpawe nangte aope-o yeshahlak, nenok shongte owe yakphei lükpalan yepeilak.

¹¹Hangjingne nang ümekente tailakei nang yomlak jingne Kahwang yoi wangdang shongmokpalan nang yomne anglak.

¹²Nang longme yashah yehüotamlak jingne iman yakme nanga nopai anglak.

¹³Nange yengkong mailang hei pulante, hüke nyam nyam shepu yengkong mailang hei soihüng pheipu pulante yawe shoplak.

¹⁴Kahwange i, “Aoyinne üte ken Taowe yintamlak, hüyange aoyinne Taowa Youngwanpa she shing yinne anglak.

¹⁵Aope iman-e üte nyiklakei, Taowe imante janlak; aope iman shaoshipu ngohlakei, Tao iman phei ngohlak. Taowe iman yinlak hüyange yihnoonlak.

¹⁶Jinlao ne tamme Taowe imante monghah ne tampu phalak; Taowe iman yinlak.”