Read Konyak Naga TÜOWELAIHEM 95 Bible Online

TÜOWELAIHEM 95 - Konyak Naga bible

TÜOWELAIHEM 95

¹O peikei, teman-e Youngwanpate yihlupu hem lokhah! teman yinyetampa longnyute mongmei ngaowüng üngwün hah!

²Minyong phawe I shongte teman peihah, hüyange Ite yihlupu mongmei üngwünpu hem lok hah.

³Hangjingne Youngwanpa-a wongnangpu Kahwang, kahwanglan üshei tangme wong shenangpupa Ahngpa.

⁴Iye kahtoknyu nopute shelupupa kahmong mepu shedaopupa kahtang ngoiye wanglam lamnang.

⁵Iye yengching hanghepa Iye ling, kahtoknyu hanghepa Iye lingengai, tüolan tangme wanglam lamnang.

⁶O peikei, Ite ümme khümhah hüyange yoppe khümhah; teman lingengaipa, Youngwanpa sheshao me yatuh shinghah!

⁷Hangjingne I-a teman Kahwang; Iye paowe tükpu kahtalan-a teman. Iye uhyinge hahnyoi me angpu mantooplan-a teman. Iye hanghe iyapeih tenyih numan-e jaiyah.

⁸Meribah me numan pajeiyonglan kih-e üngeine tahmeng; tüonyihpe iman-a Massah wanwüng jengme hüke ngohyangki.

⁹Tüoken me iman-e üte tokke leiyangki, tüoyangpoi Taowe hanghe ling iman-e ngeyangki.

¹⁰Wangpeng deli ngoiye tüolan kahtalan phei Tao shihkhah ne tam; Taowe i, “Iman-a hangshin ngao yejaipulan shi! Iman-e ü-ngaokenglan minjon she lan nang.”

¹¹Tüokhei Tao mongshih ngaipu phei Taowe janpu ja yah: “Iman ü-toloimei nyoite aope-o ye-onglak.”