Read Konyak Naga DETNGAO 14 Bible Online

DETNGAO 14 - Konyak Naga bible

DETNGAO 14

¹Kentamongtingpu shekowe noksa lingnang, hüpoi ünga-nyulan-e yoi yak-e tüopa menge tamnang.

²Aoyin ngaotingpa me kem Youngwanpate nyamle nang, hüpoi aowe nyoingoh me lolam nang, ngao yejai she hüonang.

³Üngapalan-e langmanpuwa iman üngtok jingne yansho (hanti), hüpoi kentamongtingpalan jupen-a iman yinnang.

⁴Ümeken me kah hoklak (lüolak) mahu üpong yenang, bunga ükeng me ngohlak, hüpoi mahu üponglan ngohma-a bunga tah-e maalak.

⁵Ütingpa saki-e lolam ne yetam, hüpoi üting yejepupawe üleih hei ngao nang.

⁶Yoi hei ütahpa she teihpu kahta aope-o kentamongtingpa ne yemeng ok, hüpoi jelo pheipu lan-e oloh-e shinge yah nang.

⁷Ngawoopalan mepu nang yanne ngoh yah; hangjingne iman me nangte nyüone hango yenang.

⁸Hatüowa deitahpu konjonge iman tailam juteih phanang. Hüpoi ükhulan ngawoopuwe woinang.

⁹Ngawoopalan-e püohpin dopute yaolenang, hüpoi ümeilan-e Kahwang monghahpu tüonang.

¹⁰Mongjange yoi khahkopu shingnang, hüyange yinpalan-e tüopa mongmei-a tamhan ne ye-ok.

¹¹Ümenglan nok-a mengwinlak; hüpoi ümeilan nyenok-a jalunlak.

¹²Kahta sheshao me shuwe ngepu tailam ja ngohnang; hüpoi ükümyema-a tüopawe lipute woinang.

¹³Üngwünpuwe mongmenga lowe angne ok. Aope mongmei taimahlakei, mongmenga jinte tüome.

¹⁴Kahta ümenglan-e iman-e hanghe yam tüolak. Kahta ümeilante iman toishao jingne hünghao phalak.

¹⁵Lanta-akpu lan-e lamphe lite ütinglakke teihnang; hüpoi juteih pheipu kahtawe iman ya mee te leinang.

¹⁶Kentamongting palan-e moppu mepu yanne ngohlak jingne kenting nang, hüpoi ükhu lan-e ken yeting hüyange mam mamshe linge lanteiye ngoh nang.

¹⁷Mongshih o-pu kahtalan-e ngawoopu toi ling nang; hüpoi kentamongtingpu kahtalan jünge ngoh nang.

¹⁸Lanta-akpu kahtalan-e iman ngawoopu jingne hanghe tüone ngai tüonang, hüpoi deipalan te-a manlam hünghao phatam nang.

¹⁹Ünu kahtalan-e khakshupu lante ümme khümlak hüyange inne nyaipu phei imante tonglak.

²⁰Toiha kahta-a Inok yupipawe nehoi yeleng, hüpoi hakpa phei shümpa maawe ngoh nang:

²¹Nang mongmei huma-a, toihalante yayeng tüoh; ütamja te nehoi nuwe teihlaka ünu.

²²Nange ümeipa jingne toi lingma-a nange eiha mepu monghümpu hüyange iyeshepu tüolak; nange ünu jingne toi lingma-a, nange püohpin nang.

²³Toi lingtüoh hüyange nange üyin ngoh oklak ne nanlak; nang ngaoman-e shotte shaha ngohma-a toiha ne mengpha lak.

²⁴Kentamongtingpalan ahngpa shaoshaoh-a iman konjong, hüpoi üngapalan-a iman nga woopu me shing nang.

²⁵Ngaotingpa saki phapuwe üyin yinnang; hüpoi aope Iye tahleih ilakei, Iye kahtalan lowe tamnang.

²⁶Youngwanpate iyeshepu phapuwe kahta ja te hüyange Inok nahalan te monghahpu hüyange yintampu pha nang.

²⁷Youngwanpate nyamlepuwa üyin jingne yengpei wo, tüokaiye üyin ja-a lilak mepu yinne oklak.

²⁸Ahngpa ja kheyongpuwa kahta hangshin tangme Iye wanglam lam, tüo me hei ngohnang; iman yenangpe I-a ükeng.

²⁹Nang jünge ngohma-a, nanga kentamongtingpa, hüpoi nang me mongshih ngaipu ngohma-a, nang hangshin ükhu ne meng tüo hei nange hüo nang.

³⁰Kenmeimongmapuwe püm tangta te üyin phanang, hüpoi müktakpuwe yimdak kih-e ngoh nang.

³¹Aowe toinanpalante shaoshi yateng pha, aowe iman lingengai, tüopa Kahwangte yaowele nang; hüpoi toinanpa lante yayeng hüopuwa yoppe khümpu toishao ja.

³²Ümeng kahtalan-e iman ünu toishao kaiye iman nying nyingke yeitamlak yah peinang; hüpoi kahta ümeilan-a iman metküpnopu ngohpuwe yin nang.

³³Konjonga deitahpu kahta lili juteih me ngoh nang, hüpoi üngapawe konjong jeng hango yeshing.

³⁴Khakshupuwe jat ja no innang, hüpoi ünuwe jat hei li mong mengne tamnang.

³⁵Okkeshange toilingpu shaoshanpalan te ahngpalan-e monghah nang, hüpoi aoyinne okpu ngeye yeling imante iman-e shaoshi phanang.