Read Konyak Naga DETNGAO 19 Bible Online

DETNGAO 19 - Konyak Naga bible

DETNGAO 19

¹Yoi jupen shushupukih ngaowe hüyange ngayounpu phei-a, toiha kahta ja ne tah yetüope kempu shemei.

²Manlam yenangpute lahnyikpuwa yemei; nünne ye-okpuwe nanga ütuh me yeipha lak.

³Kahta ütam-a iman yoi ükhu ne mengpuwe mah shunang hüyange Youngwanpa te phoi nang.

⁴Moth ngohpuwe shümpa üngang yah peinang, hüpoi toihalan-a shümpa yenangpe tüohnang.

⁵Tahleih sakipa-a shaoshi ne yetampe yengohlak; hüyange tahleih ngaopa-a yeyin oklak.

⁶Moilan-e üyonglan mepu monghah tampu tüolak jingne ngang nang; aoyinne yekheihpe phawe yannang tüolan shümpa ne moilan menghu nang.

⁷Toiha kahta ja jingne I jeiheinaolan nehoi wongpong ne yemeng; I shümpalan yenang she yashanlak hango yenang. I hangshin me ngangyapeih hangne-o yeje, Iye ao-o woiyahpu ye-ok.

⁸Aowe konjong tüowe ok Iye yoi üyinte kennang. Shinge yah okpuwe jalun tam nang.

⁹Tahleih saki phapa shaoshi yephape yelinlak, hüyange tahleih ipa-a mahlak.

¹⁰Ngawoopalan meipulan shinne yenyoi ok, hüyange rhapawe üyin üyong ja tangme wanglam lam ne ye-ok.

¹¹Kahta te konjonge Ite nün-okpu pha nang; hüyange yemeipupate khah-e yeteihpe tüohlak-a okpu üyong ja.

¹²Ahngpa ja mongshih ngaipuwa yengkong mailang waopu kih, hüpoi Iye monghah-e tampuwa yoonge tanpu waishuya kih.

¹³Ükhu ne mengtepu hawe yoipa mahshupu yah peinang. Teetelapu sheko ja-a yeng sheah-sheah-sheah she teampukih ngoh nang.

¹⁴Kahta jawe I nyupa mepu ngin hüyange nok mothlei ne ok, hüpoi Ite wangngoipu shekowa Youngwanpa hei pha oklak.

¹⁵Jookpuwe mongmehuwe shi ne tamnang; ühak yekohpu kahta seanyaowe ponglak.

¹⁶Aoyin ngaokhümlan jon nang jin laolak; hüpoi tüolan ye-i-yeshe ma-a, lilak.

¹⁷Aoyinne toihalante phalakei, hatüowa Youngwanpa te seatampu ne meng nang, hüyange Youngwanpawe nangte leih yahphalak.

¹⁸Iman-e shinge yah oklak ne naha me ngohwante nang hayimlante winjai ne tamtüoh. Nange hüke yelingma-a iman mahlak lamte nange-o jam-e teine tamnang.

¹⁹Kahta ütam me mongshih ngaipu ngohpu ne mengma-a, Iye tüopa mepu üta nge ne tamtüoh, nange I shange pongpu mepu ja me nehoi ngaiye tampu okpu ne mengma-a, tüopa-a nange üne-o ling tüoh.

²⁰Henge tampute nange jaihuma-a hüyange shinge yahlak jingne mongma-a, nyih ja nanga kentamongtingpu ne menglak.

²¹Kahtawe ülam lili jingne teihnyüo ne ok, hüpoi tüopa me Youngwanpa mongpupa lingkülak.

²²Ünyei yah-hupuwe wüotüo tampu ngainang, toihalan-a tahleih ipalan phei shemeipu.

²³Youngwanpa ngao jaitüoh hüyange nang jinlaowe ngohlak, monghah yah hüyange yemeilakpa mepu yinyah.

²⁴Jookwoopawe yoi yak nüksheng me pan nang, hüyange tüopa-a yoi jute nehoi ye-in-ok.

²⁵Yaolepate-a shüttamtüoh, hüyange lanta-akpuwe kentinglak shingyahlak; kentamongtingpa te teetamtüoh, hüyange Iye shinge okpu ngohlak.

²⁶Wüolakpa, hüyange yewüopu kahta jawe hei Ipate yemeipe jonlak yejema-a noksa mepu Inyu jange teinang.

²⁷Üha, aope nange shinge yahpu mepu lakyapeih, hanghepa nange manyangki tüomepu mamshe nange mong yephape mahnang.

²⁸Aope sakipawe kahta ütamte yemeipe linghuwe teihlakei tüoken me ngaotingpa-a yenang. Ümeng kahtalan-e ünu jüppe nyaopute lengnang.

²⁹Yoi shaha ne teihpu üngapawe ütingme hanti hahlak.