Read Konyak Naga DETNGAO 31 Bible Online

DETNGAO 31 - Konyak Naga bible

DETNGAO 31

¹Hatüolan-a Ahngpa Lemuel ünyuwe Ite lahnyik mongkowe ngaopu ngaolan:

²“O üha, O ü-sea mepu üha! O taowe jiengpute puhpu ha!

³Nang wong khongkümpu nyakkenpu me hüyange nang ngin khongkümpu shekote tahwin; tüolan-e ahngpalan menge tamyangki.

⁴Lemuel, jaitüoh. Ahngpalan-e wuwüngti yeyinglak yang yejema-a yu yeyamlak yang.

⁵Aope iman-e yinglakei, iman-e ngaokhüm pewinnang hüyange kahtalan-e wongpong ne mengpu khakshupu ye-i-yeshepe tüoh nang.

⁶Mahlak jingne tüm-e ngohpate wongnangpu yinglak-a phatüoh; hüyange üyin me khah-e mongshangpalan te wuwüngti-a phatüoh.

⁷Iman-e yingne tamtüoh hüyange iman toinanpu hüyange mongshangpu pe ne tamtüoh.”

⁸“Aoyin kahtawe yoi jingne ngaowe ye-ok tüolan jingne ngaowe tamtüoh. Jamlak yenangpe aoyin ngoh iman khongkümpu jingne ütingpa tükke angtüoh.

⁹Ngaotüoh hüyange ütingpa ngaophünpa ne mengtüoh. Toiha hüyange toinanpalan ütingpa yinne angtüoh.”

¹⁰Wangngoipu shekonyu ja aowe tüolak? Yha-a yüknyu phei-o ünyei toinyu ne shemeng.

¹¹Yha netanpawe yhate monghahpu anglak hüyange yha aope-o toinan-e yengoh lak.

¹²Yha üyin jin kümme, Ite yhawe ümei shaha lingnang hüyange aope-o ümeng yeling.

¹³Yhawe yoi nying nyingke mongongpu phei mat hei pengkhai phei inkhek taknang.

¹⁴Yhawe pheeinyu leihpu yenglinne lingpu kih-e üjai nyoilan mepu hahying nokte yah peinang.

¹⁵Wang manngaipe yha shinlüo nang hüyange yoi noksa jingne hahying tümnang, hüyange yoi jing shaoshannyulante linglak toishao hüotam nang.

¹⁶Yhawe kahtok ja te leinang hüyange tüopa shaknang, hüyange yhawe nanpu ngin phei yhawe wuwüngkah deiye hamnang.

¹⁷Yhawe yeonge ngange toi ling nang, wongnangpu hüyange lingeyahpu phei ngoh nang.

¹⁸Yhawe linge ngaipu sheminlamphe me ülick ngaipu yhawe shingnang, hüyange wangnyak linteiye shonne toi ling nang.

¹⁹Yhawe yoi vee pheaknang hüyange yhawe yoi inkhek taknang.

²⁰Yhawe toihalan hüyange toinanpa lante mongmei sheiye pha nang,

²¹Yha noksawe yi yütpute nyamme yenang; hangjingne yha nok me sheampu inkheklan ngoh nang.

²²Yhawe shinleng me nyamlak taknang hüyange pengkhai ümang inkheklan innang.

²³Yha netanpa-a chingnyu peten me iyeshe-e yahnang; ümeken me chingnyu lwngmeilan yo me yoi shotjing yahnang.

²⁴Yhawe shienghit nye hüyange inkheklan taknang, hüyange tüolan-a pheeinyu leihpalan te yüonang.

²⁵Yha wongnangpu phei hüyange yihnoonpu phei hüyange ngoikülak hipak jingne yha nyinang.

²⁶Yhawe konjong phei yha ju epnang; hüyange yha yee me yayeng shüpshe phei nyüoleipu ngohnang.

²⁷Yha hipak phe me nan yengaipe yoi noksa wongponglan jingne nam nonang; hüyange jookwoolak hahying yehah.

²⁸Yha hayimlan-e iman monghahpu hüonang, hüyange yoi netanpawe penyüte minyong pha nang.

²⁹Iye inang, “Shekolan maapu nyuyong ümei ne ngoh nang, hüpoi nanga iman üshei phei shemeipupa yang.”

³⁰Nahnaipuwe lolam nang hüyange naoyha meipu-o mahtai nang; hüpoi sheko ja aowe Youngwanpate yihlunang yhate minyong phalak-a wangnang.

³¹Yhawe lingyah yangpu khongkümpu jingne yhate leih phatüoh. Yhawe moilan mepu yihnoonpu tüolaka wangnang.