Read Konyak Naga DETNGAO 5 Bible Online

DETNGAO 5 - Konyak Naga bible

DETNGAO 5

¹Ü-ha, ü-konjongte üpongtüowe mong phayah, ümongpa mepu ü-ngaote mei mei-e jaiyah.

²Hümme nakshih nange hangke wanglam ngohlak shinglak, hüyange nang ngao kaiye nang me manlam ngohnang she hüolak.

³Hangjingne phwngngamnyu jupen-a zahtai jelo shinne wünge hüyange yhawe omhüppuwa olive minnga phei shenye,

⁴hüpoi tüolan khongküm aope linne tailakei, yhawe hango yetüoh hüpoi ünah ni yanglow shin-e nah-e tüoh nang.

⁵Yhawe nanga yimpu chingte yah taiphalak; yha kempu lamnyu-a lipu lamnyu ngoh nang.

⁶Yha üyin lamnyu me yengoh; hüpoi waa-e tainang, hüyange hanghe ngainang yhawe yeteihtüo.

⁷Sha-a hüma-a, ühalan, üte jaiyah; taowe hanghe i tüomepu lüp-tahtai.

⁸Yha lamnyu mepu yeonge jai-e ngohtüoh! Yha nok taten shongte nehoi owe tahwen!

⁹Yejema-a, hipak ja me nangme ngohpu wangshüma eiha jingne menglak, hüyange nanga shüpshe yenangpu kahtalan yak me li phalak.

¹⁰Üting, yinpalan-e nangjing toinyunanha khongküm yahlak, hüyange nange hanghe jingne toiling hatüowa ütam ja jingne menglak.

¹¹Üküm ne nang wao ea lamlak, nang mepu mei hei ühak hahkümteiye,

¹²hüyange nange ilak, “Hangne taowe shinge yeyahpu? Hangne taowe ütam jate üte tingetamlak jingne ye-ipu?

¹³Taowe ü-konnyüopa ngao yejai. Taowe tüolan nyüolei tampute mong yepha.

¹⁴Sha-a mokhshe taowe ü-nying nyingke ükhong sheshao me mongshang mongmeng ngenang.”

¹⁵Nangjing yenglei mepu yeng yingtüoh, nangjing yengnung mepu yün-e ngohpu yeng yingtüoh.

¹⁶Nangjing yengpeiwo-a üshei ye me, nangjing yün ngohpu yeng-a chingyang ko me shainang.

¹⁷Tüolan-a nang shaha jingne mengtamtüoh, hüyange nang phei ngohpu yinpalan jingne tahmeng tam.

¹⁸Nangjing yengpeiwo moiman shih, hüyange nang naoshewan yahpu shekonyu phei mongmeitüoh.

¹⁹Yahhukeipu hüyange yayeng pheipu meishi ja kih-e; yha düam ü-nganne nang mongmei ne tamtüoh; yhawe kenpuwe nangte jok ne tamtüoh.

²⁰Hangne ülao sheko jawe nangte jok ne tamlak, üha? Hangne ülao kahta ja shekonyu üngan te nange lenge teihlak shi?

²¹Hangjingne kahtawe lingpu sheminlam phe Youngwanpawe ngenang. Ümpuken lamte nang tailakei, Iye yomnang.

²²Ümeng kahta ünulan-a tün ja ngohnang. I yoi ünu me phowe yüt nang.

²³I linang hangne ima-a Ime yoi nying nyingke tükke okpu yenang. I loishe nga-khupu jingne I-a mahnang.